ودیا دیوی نیپال کی پہلی خاتون صدر منتخب
،تصویر کا ذریعہReuters
نیپال میں پارلیمان نے خواتین کے حقوق کے لیے کام کرنے والی ودیا دیوی بھنڈاری کو صدر منتخب کر لیا ہے۔
ودیا دیوی صدر کے عہدے پر منتحب ہونے والی دوسری شخصیت ہیں۔
ودیا دیوی بھنڈاری، رام باران یادو کی جگہ منتخب ہوئی ہیں جو سنہ 2008 میں نیپال میں بادشاہت کے خاتمے کے بعد منتخب ہونے والے پہلے صدر تھے۔
54 سالہ ودیا دیوی بھنڈاری اس وقت نیپال کی حکمران کمیونسٹ جماعت ’یونائیٹڈ مارکسسٹ لینینسٹ‘ کی نائب چئیرمین ہیں۔
ودیا دیوی بھنڈاری سنہ 2009 سے 2011 تک وزیر دفاع بھی رہ چکی ہیں۔
صدر منتخب ہونے کے بعد انھوں نے نیپال میں اقلیتوں اور خواتین کو حقوق دلانے کا وعدہ کیا ہے۔
اس سے قبل رواں ماہ کے آغاز میں نیپالی پارلیمان نے کے پی شرما اولی کو نیا وزیراعظم منتخب کیا تھا۔
بی بی سی کے جنوبی ایشیا کے مدیر چارلز ہیویلینڈ کا کہنا ہے کہ ودیا دیوی بھنڈاری شرما اولی کی قریبی ساتھی ہیں اور اس مردوں کے معاشرے میں وہ ایک لمبے عرصے تک سیاسی کارکن رہی ہیں۔
End of سب سے زیادہ پڑھی جانے والی
