گائے کے گوشت پر کشمیر اسمبلی میں مار پیٹ
،تصویر کا ذریعہEPA
- مصنف, ریاض مسرور
- عہدہ, بی بی سی اردو ڈاٹ کام، سری نگر
بھارت کے زیرانتظام جموں و کشمیر میں حکمران بھارتیہ جنتا پارٹی (بی جے پی) کے ارکان اسمبلی نے جمعرات کو اسمبلی میں ایک آزاد رکن پر تشدد کیا ہے۔
آزاد رکن اسمبلی انجینیئر راشد پر الزام ہے کہ انھوں نے بدھ کو ہوسٹل کے احاطے میں گائے کے گوشت کی پارٹی کا انعقاد کیا تھا۔
اسی پارٹی کے دوران بی جے پی کے کچھ ارکان اسمبلی نے وہاں ان کے خلاف مظاہرہ کیا تھا اور کھانے کے سٹال کو توڑنے کی کوشش کی۔
راشد نے بی بی سی کو بتایا ’ایوان میں کشمیر میں بیف کھانے اور فروخت کرنے پر پابندی کے خاتمے کے لیے لائے گئے میرے بل پر بحث ہونی تھی۔ جیسے ہی میں بولنے کے لیے کھڑا ہوا بی جے پی کے رکن اسمبلی روندر رائنا میرے ساتھ مارپیٹ کرنے لگے۔ بی جے پی کے دیگر ارکان اسمبلی نے ان کا ساتھ دیا۔‘
اپوزیشن پارٹی نیشنل کانفرنس اور کانگریس کے ارکان اسمبلی نے اس واقعے کی مخالفت کی۔
ریاست کے سابق وزیر اعلی عمر عبداللہ نے کہا کہ رکن اسمبلی پر ’دادری‘ ہی کی طرح حملہ کیا گیا۔
End of سب سے زیادہ پڑھی جانے والی
ریاست کے وزیر اعلیٰ مفتی محمد سعید نے کہا ہے کہ جس مسئلے پر گذشتہ کچھ دن سے ایوان میں ہنگامہ ہو رہا ہے، وہ جلد ہی ختم ہو جائے گا۔
