بھارت، دریا میں وین گرنے سے 22 زائرین ہلاک
،تصویر کا ذریعہDhanjay
بھارت کی جنوبی ریاست آندھرا پردیش میں راجا مندري کے قریب ایک وین کے گوادری دریا میں گرنے سے 22 زائرین ہلاک ہو گئے ہیں۔
مشرقی گوداوری ضلع کے مجسٹریٹ ارون کمار نے بی بی سی کو بتایا کہ یہ حادثہ صبح تقریبا ساڑھے پانچ بجے رونما ہوا۔
وین میں کل 23 افراد سوار تھے اور ان میں سے صرف ایک بچہ زندہ بچ سکا ہے۔
مقامی صحافی دھننجے نے ریاست کے نائب وزیر اعلی چننا رجپپا کے حوالے سے بتایا ہے کہ اس حادثے میں 21 افراد کے جائے حادثہ پر ہی موت واقع ہو گئی جبکہ ایک بعد میں ہسپتال میں زخموں کی تاب نہ لا سکا۔
وین کے ڈرائیور نے کنٹرول کھو دیا اور وین دھلیشورم بیراج میں جا گری۔
اطلاعات کے مطابق مرنے والوں میں نو خواتین اور سات بچے شامل ہیں جن ان کی لاشوں کو راجا مندری کے ایک ہسپتال میں بھیج دیا گیا ہے۔
مرنے والے تمام افراد آندھر پردیش کے سب سے بڑے شہر وشاكھاپٹنم کے اچوتیاپورم سے تعلق رکھتے تھے اور تروپتی کی زیارت کے بعد واپس آ رہے تھے۔
خیال رہے کہ تروپتی میں ہندوؤں کا معروف مندر ہے اور یہ آندھر پردیش کے ضلع چتور میں آتا ہے۔
End of سب سے زیادہ پڑھی جانے والی
بھارتی اخبار انڈین ایکسپریس کے مطابق پولیس کا کہنا ہے کہ اگرچہ دریا میں پانی کم تھا لیکن بس کے 35-30 فٹ اونچائی سے گرنے سے جائے حادثہ پر ہی بیشتر اموات ہو گئیں۔
