اعجاز مہر بی بی سی اردو ڈاٹ کام، اسلام آباد

بہت سے غیر فعال سکولوں میں جانور باندھے جاتے ہیں

یہ بات انہوں نے سینیٹر طلحہ محمود کے سوال کے جواب میں بتائی اور کہا کہ مالی سال دو ہزار چار اور پانچ میں ملک بھر میں ستر ہزار کے قریب غیر فعال سکول تھے۔ تاہم انہوں نے (بھوت) سکولوں کے اساتذہ کی تعداد نہیں بتائی۔

وزیر نے بتایا کہ سب سے زیادہ غیر فعال سکول صوبہ سندھ میں ہیں جن کی تعداد ساڑھے سات ہزار سے بھی زیادہ ہے۔ پنجاب میں اس طرح کے سکول آٹھ سو ہیں جبکہ صوبہ سرحد میں پانچ سو کے قریب غیر فعال سکول اب بھی موجود ہیں۔

غیر فعال سکول سب سے زیادہ غیر فعال سکول صوبہ سندھ میں ہیں جن کی تعداد ساڑھے سات ہزار سے بھی زیادہ ہے۔ پنجاب میں اس طرح کے سکول آٹھ سو ہیں جبکہ صوبہ سرحد میں پانچ سو کے قریب غیر فعال سکول اب بھی موجود ہیں وفاقی وزیرِ تعلیم میر ہزار بجرانی

واضح رہے کہ چند برس قبل بعض غیر سرکاری تنظیموں نے غیر فعال سکولوں کے بارے میں اپنے سروے میں کہا تھا کہ یہ سکول بعض جاگیرداروں نے اپنی ذاتی بیٹھک میں تبدیل کرلیے ہیں تو کچھ نے اناج اور گھاس کے گداموں میں تبدیل کردیے ہیں۔ ان کے مطابق سندھ کی بعض سکولوں میں جانور بھی بندھے رہتے ہیں۔

غیر سرکاری تنظیموں نے یہ بھی کہا تھا کہ اس طرح کے جعلی یا بھوت سکولوں کے نام پر اساتذہ، نائب قاصد اور چوکیدار بھی تعینات ہیں اور ان میں سے کئی ایسے لوگ تنخواہ لیتے ہیں جو وڈیروں کے ذاتی ملازم ہیں۔

وزیر تعلیم نے ایک اور سوال کے جواب میں ایوان کو بتایا کہ وزارت مذہبی امور کے پاس ملک بھر کے پندرہ ہزار دینی مدارس رجسٹرڈ ہیں اور غیر اندراج شدہ مدارس کے بارے میں کوئی معلومات نہیں ہے۔

انہوں نے مزید بتایا کہ مالی سال دو ہزار دو اور تین میں مدارس میں اصلاحات کا پروگرام شروع کیا گیا اور دینی تعلیم کے ساتھ سائنسی مضامین بھی پڑھانا شروع کیا۔ لیکن ان کے بقول جون دو ہزار آٹھ میں یہ سلسلہ ختم ہوگیا اور دو سو اٹھاسی مدارس کے بارہ سو تریپن اساتذہ کو جون دو ہزار نو تک تنخواہیں دی جائیں گی۔

سینٹر طاہرہ لطیف کے سوال کے جواب میں سید خورشید احمد شاہ نے سینیٹ کو بتایا کہ سال دو ہزار سات اور آٹھ کے دوران دو لاکھ ساٹھ ہزار ہنر مند افراد جبکہ تین لاکھ اٹھارہ ہزار سے زیادہ غیر ہنر مند افراد کو حکومت نے بیرون ملک بھیجا ہے۔