عبدالحئی کاکڑ بی بی سی اردو ڈاٹ کام، پشاور

اس سے قبل ایک ہی رات میں پانچ سکولوں کو تباہ کر دیا گیا تھا

گزشتہ ایک ہفتے کے دوران سکولوں کے تباہ کرنے کے واقعات میں شدت آئی ہے اور اس دوران تباہ کیے جانے والے سکولوں کی تعداد نو تک پہنچ چکی ہے۔

سوات میں مقامی لوگوں کا کہنا ہے کہ نامعلوم افراد نے بدھ اور منگل کی درمیانی شب کو تحصیل مٹہ کے شیر پلم میں واقع لڑکوں کے ہائی سکولوں کو دھماکہ خیز مواد سے اڑاد دیا ہے۔

سکولوں کے تباہ کرنے کے واقعات میں گزشتہ ایک ہفتے کے دوران شدت آئی ہے کہ اس دوران نو سکولوں کو تباہ کیا گیا ہے جن میں چھ کو صدر مقام مینگورہ جہاں پر سکیورٹی فورسز اور پولیس کے سینکڑوں اہلکار تعینات ہیں تباہ کردیا گیا ہے۔

گزشتہ ایک سال تین ماہ سے جاری فوجی آپریشن اور شدت پسندوں کی کاروائیوں کے دوران سرکاری اعداد و شمار کے مطابق مجموعی طور پر ایک سو اٹھتر سکول متاثر ہوئے ہیں جن میں سے ایک سو چالیس کو مکمل طور پر تباہ کردیا گیا ہے۔ ان میں سب سے زیادہ لڑکیوں کے تعلیمی ادارے شامل ہیں جن کی تعداد بانوے کے قریب بنتی ہے۔

تاہم سکولوں کے تباہ کرنے کے واقعات میں گزشتہ ایک ہفتے کے دوران شدت آئی ہے کہ اس دوران نو سکولوں کو تباہ کیا گیا ہے جن میں چھ کو صدر مقام مینگورہ جہاں پر سکیورٹی فورسز اور پولیس کے سینکڑوں اہلکار تعینات ہیں تباہ کردیا گیا ہے۔

یہ واقعات ایسے وقت ہوئے ہیں جب گزشتہ روز ہی حکمران جماعت پیپلز پارٹی نے قومی اسمبلی میں ایک قرارداد منظور کرتے ہوئے حکومت سے ان سکولوں کو تعمیر کرنے کا مطالبہ کیا تھا۔ سوات میں طالبان نے پہلے ہی پندرہ جنوری کے بعد لڑکیوں کے سکول جانے پر بھی پابندی کا اعلان کیا ہے۔