رفعت اللہ اورکزئی بی بی سی اردو ڈاٹ کام، پشاور

	جن ارکان نے ایک دوسرے کو ووٹ دکھائے ان میں وزیراعلیٰ امیر حیدر خان ہوتی بھی شامل ہیں

نجی ٹی وی چینل جیو پر کارروائی کی فِلم دکھائی گئی ہے جس میں سرحد کے وزیراعلیٰ امیر حیدر خان ہوتی سمیت اے این پی، پی پی پی اور دیگر جماعتوں کے کئی اراکین سنیچر کو سرحد اسمبلی میں صدارتی انتخاب میں اپنا ووٹ بیلٹ باکس میں ڈالنے سے پہلے ایک دوسرے کو دور سے دکھا رہے ہیں۔

بیلٹ دکھانے کا مقصد بظاہر بیلٹ پیپر دکھانے کا مقصد ایک دوسرے کو یہ یقین دہانی کرانی تھی کہ ممبران نے پارٹی پالیسی کے مطابق اسی امیدوار کو ووٹ دیا ہے جس پر اتفاق کیا گیا تھا ذرائع

بعض ذرائع کا کہنا ہے کہ بظاہر بیلٹ پیپر دکھانے کا مقصد ایک دوسرے کو یہ یقین دہانی کرانی تھی کہ ممبران نے پارٹی پالیسی کے مطابق اسی امیدوار کو ووٹ دیا ہے جس پر اتفاق کیا گیا تھا۔

جن ارکان نے ایک دوسرے کو ووٹ دکھائے ان میں وزیراعلیٰ امیر حیدر خان ہوتی، صوبائی وزیر اطلاعات میاں افتخار حسین، سنئیر وزیر بشیر احمد بلور، صوبائی وزیر صحت ظاہرشاہ اور دیگر شامل ہیں۔

’جیو کو دھمکی‘  فوٹیج ٹی وی پر چل جانے پر ایک صوبائی وزیر نے سخت برہمی کا اظہار کیا ہے اور دھمکی دی ہے کہ آئندہ سرحد اسمبلی کے اجلاس میں جیو ٹی وی کو کوریج کی اجازت نہیں دی جائی گی جیو رپورٹر شکیل فرمان علی

گزشتہ روز بھی سرحد اسمبلی میں ایک خاتون رکن کی طرف سے پیلٹ پیپر دکھانے پر پریزائیڈنگ افسر نے پولنگ روک دی تھی تاہم بعد میں وزیراعلیٰ کے مداخلت پر معاملہ رفع دفع کردیا گیا۔