علی سلمان بی بی سی اردو ڈاٹ کام لاہور

	پولیس کو ہدایت کی ہے کہ وہ پچیس جولائی تک انہیں عدالت میں پیش کریں

زلزلہ زدگان کے وارڈ میں لڑکی کا ریپ

دسمبر سنہ دوہزار پانچ میں ڈاکٹر مقصود میو ہسپتال میں تعینات تھے جب ان پر زلزلہ سے متاثرہ ایک کشمیری مریضہ سے زیادتی کاالزام لگا۔

وزیراعلٰی کی معائنہ ٹیم، پولیس اور محکمہ صحت کی الگ الگ ٹیموں نے انکوائری کی اور ڈاکٹر کے خلاف مقدمہ درج کر کے انہیں گرفتار کرلیا گیا۔

بعد میں ڈاکٹر کے خلاف مقدمہ چلا انہوں نے سپریم کورٹ تک مقدمہ لڑا اور بری ہونے کے بعد انہوں نے لاہور میں ایڈیشنل سیشن جج کی عدالت میں قذف کا مقدمہ دائر کردیا اور کہا کہ ان کی وجہ سے انہیں ہتک عزت کا سامنا کرنا پڑا ہے۔

اس مقدمہ میں سابق وزیر اعلٰی چودھری پرویز الٰہی، مولانا فضل الرحمان سابق وزیر صحت ڈاکٹر طاہر علی جاوید، وزیر اعلٰی کی مشیر صبا صادق، سابق چیف سیکرٹری سلمان صدیق اور ایس ایس پی عامر ذوالفقار علی سمیت گیارہ افراد کو فریق بنایا گیا۔

بدھ کو ان میں سے سابق صوبائی وزیر صحت ڈاکٹر طاہر علی جاوید، میو ہسپتال کے اس وقت کے ایم ایس فیاض علی رانجھا، سابق ایم پی اے روبینہ، پروفیسر مجید حسین اور مولانا محمد اکرم عدالت پیش ہوگئے۔

جبکہ باقی ملزمان پیش نہیں ہوئے جن کے پولیس نے وارنٹ گرفتاری جاری کردئیے۔ عدالت نے پولیس کو ہدایت کی ہے کہ وہ پچیس جولائی تک انہیں عدالت میں پیش کریں۔