آصف فاروقی بی بی سی اردو ڈاٹ کام، اسلام آباد

	یہ سب الزامات ہیں جو ثابت نہیں کیے جا سکتے:احمد مختار

کابل حملے کا الزام آئی ایس آئی پر: آپ کی رائے

یاد رہے کہ سنیچر کو انڈیا کے مشیر برائے قومی سلامتی ایم کے نرائنن نے الزام لگایا تھا کہ کابل میں اس کے سفارت خانے پر حملے میں پاکستان کی خفیہ ایجنسی آئی ایس آئی کا ہاتھ تھا۔ انہوں نے دلی میں کہا کہ بھارتی حکومت کے پاس اس سلسلے میں’اچھی خاصی انٹیلیجنس موجود ہے‘۔

اس بارے میں بی بی سی بات کرتے ہوئے پاکستانی وزیر دفاع نے کہا کہ’میں یہ سمجھتا ہوں جب دو ملکوں کے درمیان تعلقات بہتر بنانے کے لیے اعتماد سازی کے اقدامات کیے جا رہے ہوں، اس موقع پر بغیر کسی ثبوت کے یہ الزام لگانا غلط ہے‘۔

افغان حکومت کی طرف سے اسی نوعیت کے بیانات کے بارے میں وزیردفاع نے کہا کہ’یہ سب الزامات ہیں جو ثابت نہیں کیے جا سکتے۔ الزام تراشی کرنا تو ہر کسی کے بس میں ہے۔ جو آدمی خود کو کمزور سمجھتا ہے وہی الزامات کا سہارا لیا کرتا ہے جیسا کہ صدر حامد کرزئی نے کہا ہے کہ پاکستان افغانستان میں مداخلت کر رہا ہے۔ ہم مداخلت نہیں کر رہے۔ ہم اپنے پڑوسیوں کے ساتھ امن سے رہنا چاہتے ہیں‘۔

بھارتی فوج کی جانب سے لائن آف کنٹرول کی مبینہ خلاف ورزی پر انہوں نے کہا کہ اس معاملے کا جائزہ لیا جا رہا ہے کہ ایسا کیوں ہوا اور کہاں سے کس نے سرحدی خلاف ورزی کی اور اس کے بعد ہی کسی پر الزام لگیا جا سکتا ہے۔

یہ سب الزامات ہیں جو ثابت نہیں کیے جا سکتے۔ الزام تراشی کرنا تو ہر کسی کے بس میں ہے۔ جو آدمی خود کو کمزور سمجھتا ہے وہی الزامات کا سہارا لیا کرتا ہے جیسا کہ صدر حامد کرزئی نے کہا ہے کہ پاکستان افغانستان میں مداخلت کر رہا ہے۔ ہم مداخلت نہیں کر رہے۔ ہم اپنے پڑوسیوں کے ساتھ امن سے رہنا چاہتے ہیں‘۔

یاد رہے کہ افغانستان کے دارالحکومت کابل میں واقع بھارتی سفارتخانے پر سات جولائی کو ایک خودکش کار بم حملے میں چالیس سے زیادہ افراد ہلاک ہوگئے تھے اور مرنے والوں میں افغانستان میں تعینات بھارتی فوجی اتاشی اور ایک سینئر بھارتی سفارتکار بھی شامل تھے۔

اس دھماکے کے بعد حکومت افغانستان نے بھی آئی ایس آئی کا نام لیے بغیر اشارتاً کہا تھا کہ حملے میں پاکستان کا خفیہ ادارہ ملوث ہوسکتا ہے لیکن پاکستان کے وزیر اعظم یوسف رضا گیلانی نے اس کی تردید کی تھی۔