عزیزاللہ خان بی بی سی اردو ڈاٹ کام، کوئٹہ

	حب سے لے کر کوئٹہ تک انہیں لوگوں نے بہت محبت دی ہے

اتوار کو کوئٹہ پریس کلب کے سامنے چادر بچھا کر عبدالستار ایدھی نے چندہ مہم یا بھوکوں کے لے بھیک مہم شروع کی ہے۔ عبدالستار ایدھی کے مطابق بلوچستان میں حب سے لے کر کوئٹہ تک انہیں لوگوں نے بہت محبت دی ہے اور چار لاکھ روپے کا چندہ جمع ہوا ہے۔

کوئٹہ میں بی بی سی سے باتیں کرتے ہوئے انہوں نے کہا کہ پاکستان بھر میں ان کے تین سو پچیس مراکز ہیں جہاں بھوکوں کو دوپہر اور رات کا کھانا کھلایا جائے گا۔

انہوں نے کہا کہ کوئٹہ کے بعد وہ پشاور اسلام آباد راولپنڈی اور شمالی علاقوں کا دورہ کریں گے اور انسانی ہمدردی کی خاطر ایک تبدیلی لائیں گے۔

عبدالستار ایدھی کے مطابق وہ صرف پاکستانیوں سے بھیک مانگتے ہیں اور

دو ہزار ایمبولنسیں، بیس ہوم  وہ صرف پاکستانیوں سے بھیک مانگتے ہیں اور اب ایک ایمبولینس سے دو ہزار ایمبولینس ہو گئی ہیں ایک ہوم سے بیس ہوم قائم کر دیے گئے ہیں ستار ایدھی

انہوں نے کہا کہ جنگ کے دنوں میں وہ لبنان میں تھے اور انہیں کہا گیا کہ وہاں ایدھی مرکز کھولیں تو اس کے لیے انہوں نے انہیں رقم فراہم کی جس کے بعد وہاں لڑکیوں نے کہا کہ انہیں اسلحہ دیں تو انہوں نے انکار کیا اور کہا کہ اسلحہ کوئی حل نہیں ہے۔ عبدالستار ایدھی نے کہا کہ امریکہ خود عراق اور افغانستان میں جنگ سے تھک گیا ہے اس لیے وہ کبھی جنگ کی حمایت نہیں کرتے۔