ایٹمی سمگلروں کے گروہ کے مبینہ قائد پاکستانی سائنسدان عبدالقدیر خان جن کا کہنا ہے کہ ان سے ایٹمی راز دوسرے ملکوں کو دینے کا اعتراف کرایا گیا تھا

انسپکٹر ڈیوڈ البرائٹ نے سنہ 2006 میں ایسے ہی ایک گروہ کے خلاف تحقیقات کی تھیں جس کے مبینہ سربراہ پاکستانی سائنسدان عبدالقدیر خان تھے۔

ڈاکٹر قدیر کا انٹرویو سنیں

جوہری پروگرام، الزام سے اعتراف تک: خصوصی ضمیمہ

’پابندی میں نرمی، وجہ معلوم نہیں‘

اسی ہفتے جاری ہونے والی رپورٹ کو قبل از وقت دیکھنے والے واشنگٹن پوسٹ کا کہنا ہے کہ رپورٹ میں عندیہ دیا گیا ہے کہ شاید ان ایٹمی رازوں کو کسی غیر ذمہ دار حکومت کو فروخت کر دیا گیا تھا۔

یہ راز ایسی تفصیلات پر مشتمل ہیں جن کی مدد سے جدید ایٹمی ہتھیار بنائے جا سکتے ہیں۔

غیر ترقی یافتہ ایٹمی ہتھیاروں کے برخلاف ان رازوں کی مدد سے بنائے جانے والے ہتھیاروں کو ایسے بلاسٹک میزائلوں کے ذریعے بھی استعمال کیا جا سکتا ہے جو ایران اور دوسرے درجن بھر ترقی پذیر ملک استعمال کر رہے ہیں۔

	ایرانی ایٹمی پلانٹ

تاہم گزشتہ ماہ بی بی سی کو دیے جانے والے انٹرویو میں ڈاکٹر قدیر نے کہا تھا کہ ان پر لگائے جانے والے الزامات جھوٹ ہیں اور انہیں نے یہ کہہ کر اس اعتراف پر آمادہ کیا گیا تھا کہ اس سے ’قومی مفاد‘ وابستہ ہے۔

واشنگٹن پوسٹ کے مطابق مسٹر البرائٹ کی رپورٹ میں کہا گیا ہے کہ انہوں نے ان رازوں کو سویٹزرلینڈ کے ایک تاجر کے کمپیٹر پر دیکھا۔

بعد میں ان کمپیوٹروں پر موجود مواد کو سوئس حکومت نے آئی اے ای اے کی نگرانی میں ضائع کیا۔

لیکن اقوام متحدہ کے اہلکار اس امکان کو رد نہیں کرتے کہ مسٹر البرائٹ کی رسائی سے قبل ان رازوں میں کسی اور کو بھی شریک کیا جا چکا ہو گا۔

پوسٹ نے ان اہلکاروں کے حوالے سے کہا ہے کہ ’جدید تر ایٹمی ہتھیاروں کے یہ راز شاید پہلے ہی دنیا کی کئی حکومتوں کو فروخت کیے جا چکے ہوں گے‘۔

یہ راز سوئس تاجر فریڈرک ٹائنر اور ان کے بیٹوں مارکو اور اُرس کے کمپیوٹروں پر محفوظ تھے۔

ان لوگوں پر اب سویٹزرلینڈ میں سمگلنگ میں ملوث ہونے کا مقدمہ چلایا جا رہا ہے۔

مذکورہ کمپیوٹر فائلوں کی تباہی کے بعدگزشتہ مئی میں سوئس صدر پاسکل کاؤچ پن نے کہا تھا کہ یہ کارروائی اس لیے کی گئی تھی کہ یہ کسی دہشت گرد تنظیم یا کسی غیر ذمہ دار حکومت کے ہاتھ نہ لگ جائیں۔