عزیزاللہ خان بی بی سی اردو ڈاٹ کام، کوئٹہ

	گزشتہ سال اگست میں ایران کے سرحدی صوبہ سیستان ملنے والی سرحد سے اغوا ہونے کے بعد بازیاب ہونے والے ایرانی باشندے

سرکاری حکام کے مطابق ایران کی جانب سے یہ دعویٰ کیا گیا ہے کہ کچھ لوگ ایران میں حق آباد چوکی سے سولہ اہلکاروں کو اسلحہ سمیت اغواءء کر کے پاکستان کی جانب روپوش ہو گئے ہیں۔ اس بارے میں پولیس اور فرنٹیئر کور کے اہلکاروں نے مشتبہ علاقوں کی جانب ٹیمیں روانہ کر دی گئی ہیں لیکن رات دیر تک مغویوں کو بازیاب نہیں کرایا جا سکا اور نہ ہی کوئی گرفتاری عمل میں آئی ہے۔

ایک اہلکار نے نام نہ ظاہر کیے جانے کی شرط پر بتایا ہے کہ ایرانی حکام کے مطابق سولہ اہلکاروں میں ایک انسپکٹر، چار ہیڈ کانسٹیبل اور گیارہ سپاہی شامل ہیں اور اغواء کار تین گاڑیوں سمیت بھاری اسلحہ بھی ساتھ لے گئے ہیں۔ یہ اسلحہ ایرانی اہلکاروں کا ہے۔

حکام نے بتایا ہے کہ ایرانی افسر نے شبہ ظاہر کیا ہے کہ اغواء کار بلوچستان کے علاقے بلیدہ کے قریب کہیں فرار ہوئے ہیں۔ یہ واقعہ جمعہ اور جمعرات کی درمیانی شب پیش آیا ہے اور ایرانی حکام کو قریب واقع دوسری چوکی پر رابطہ کرنے پر معلوم ہوا ہے کہ حق آباد چوکی خال پڑی ہے۔

یاد رہے گزشتہ سال اگست میں ایران کے سرحدی صوبہ سیستان بلوچستان میں نا معلوم مسلح افراد نے چاہ بہار کے قریب بڑی تعداد میں گاڑیوں کی تلاشی لی اور سترہ کے لگ بھگ ایران باشندوں کو اغواء کرکے پاک ایران سرحد کی جانب فرار ہو گئے تھے جنہیں پولیس اور فرنٹیئر کور کی ایک مشترکہ کارروائی کے بعد بازیاب کرا لیا گیا تھا اور اس سلسلے میں گرفتاریاں بھی کی گئی تھیں۔

مغویوں میں کون کون ہے  سولہ اہلکاروں میں ایک انسپکٹر، چار ہیڈ کانسٹیبل اور گیارہ سپاہی شامل ہیں اور اغواء کار تین گاڑیوں سمیت بھاری اسلحہ بھی ساتھ لے گئے ہیں ایرانی حکام

صادق رئیسانی ایڈووکیٹ کے مطابق حکومت ایران کو عبدالحمید ریگی شفاء نام کا ایک شخص کچھ ایرانیوں کو اغواء کرنے کے ایک مقدمے میں مطلوب ہے۔ انہوں نے کہا کہ حکومت پاکستان غلام حیدر رئیسانی کو ایرانی حکومت کے حوالے کر رہی ہے جبکہ گرفتار شخص غلام حیدر کے نام کا پاکستانی شناختی کارڈ، پاسپورٹ، پیدائش کا سرٹیفیکٹ، نکاح نامہ اور فارم ب رکھتا ہے۔