علی سلمان بی بی سی اردو ڈاٹ کام، لاہور

	نواز شریف کے مخالف مسلم لیگ قاف کے امیدوار میاں اخلاق احمد گڈو نے نواز شریف کے خلاف درخواست واپس لے لی ہے

میاں نواز شریف کے مخالف مسلم لیگ قاف کے امیدوار میاں اخلاق احمد گڈو منگل کو عدالت میں پیش ہوئے اور عدالت سے اپنی درخواست واپس لینے کی استدعا کی۔ ایک دوسرے امیدوار نور الہی کے وکیل نے ان کی درخواست واپسی کی مخالفت کی اور کہا کہ یہ مفاد عامہ کی درخواست ہے جو وہ واپس نہیں لے سکتے۔ انہوں نے یہ بھی کہا کہ میاں اخلاق گڈو ایک معاہدے کے بعد دستبردار ہوئے ہیں۔ میاں اخلاق گڈو نے کہا کہ وہ حلف دینے کو تیار ہیں کہ ایسا کوئی معاہدہ نہیں ہوا۔

’اپیل نہیں کی تھی لہذا نواز شریف نااہل ہیں‘

میاں اخلاق گڈو نے کہا کہ حقیقت یہ ہے کہ وہ نواز شریف کے خلاف سو بار بھی الیکشن لڑیں توجیت نہیں سکتے، نواز شریف عدلیہ کی بحالی کی جنگ لڑ رہے ہیں اور اس بنیاد پر انہوں نے ان کے خلاف الیکشن نہ لڑنے اور اپنے اعتراضات واپس لینے کا فیصلہ کیا ہے۔

انتخابی ٹریبونل کےروبرو درخواست دینے کا وقت گزر چکا ہے اور قانون کے مطابق محض ووٹر کسی امیدوار کی اہلیت کے خلاف اپیل دائر نہیں کرسکتا۔ان کا کہنا ہے کہ قانونی طور پر اب نواز شریف کے خلاف حلقہ این اے ایک سو تئیس سے کوئی اعتراض باقی نہیں رہا۔

آزاد امیدوار نورالہی نے جسٹس اکرم قریشی اور حافظ طارق نسیم پر مشتمل ٹریبونل کو درخواست دی کہ اب انہیں فریق بنا لیاجائے جس پر الیکشن ٹریبونل نے کہا کہ اس کے لیے انہیں الگ سے درخواست دینا ہوگی۔

اسی الیکشن ٹریبونل کے روبرو حلقے کے ایک ووٹر خرم شاہ نے بھی نواز شریف کی اہلیت کے خلاف اعتراض پر مبنی درخواست داخل کی ہے۔

شریف برادران کے وکیل اشتراوصاف علی نے بی بی سی سے گفتگو کرتے ہوئے کہا کہ انتخابی ٹریبونل کےروبرو درخواست دینے کا وقت گزر چکا ہے اور قانون کے مطابق محض ووٹر کسی امیدوار کی اہلیت کے خلاف اپیل دائر نہیں کرسکتا۔ان کا کہنا ہے کہ قانونی طور پر اب نواز شریف کے خلاف حلقہ این اے ایک سو تئیس سے کوئی اعتراض باقی نہیں رہا۔

اشتر علی اوصاف نے کہا کہ نواز شریف نے راولپنڈی کے حلقہ این اے باون سے دستبرداری کا حلف نامہ داخل کرا دیا ہےاس طرح اس حلقے سے ان کی اہلیت کے خلاف دائر کردہ اپیل ازخود غیر موثر ہوگئی ہے۔

ادھر اسی حلقے کی انتخابی عذرداریاں سننے والے الیکشن ٹریبونل کے دونوں ججوں نے نواز شریف اور شہباز شریف کی اہلیت کے خلاف اپیلیں سننے سے انکار کردیا ہے۔ان کا یہ انکار ایک ایسے موقع پر سامنے آیا ہے جب ایک ہی روز پہلے نواز شریف اور شہباز شریف نے الزام عائد کیا تھا کہ ان کے کاغذات مسترد کرانے کے لیے سازش کی جارہی ہے۔