علی سلمان بی بی سی اردوڈاٹ کام، لاہور

	مسلم لیگی رہنما نے کہا کہ نواز شریف کی واپسی کا فیصلہ اٹل ہے

مخدوم جاوید ہاشمی نے یہ بات پیر کو ملتان میں اپنی رہائش گاہ پر ایک پریس کانفرنس سے خطاب کرتے ہوئے کہی۔ وہ سعودی عرب میں میاں محمد نواز شریف سے ملاقات کے بعد عید سے ایک روز پہلے ہی پاکستان لوٹے تھے۔

مخدوم جاوید ہاشمی نے کہا کہ نوازشریف نومبر ی واپسی کی تاریخ کا اعلان پارٹی کی سینٹرل ورکنگ کمیٹی کرے گی۔

مسلم لیگی رہنما نے کہا کہ نواز شریف کی واپسی کا فیصلہ اٹل ہے اور اگر حکومت گرفتار کرنا چاہتی ہے تو بے شک کرلے ان کی واپسی کے فیصلے پر کوئی فرق نہیں پڑے گا۔

’غلط بیانی‘  نواز شریف تین برس سے پہلے واپس نہیں لوٹ سکتے۔ان کا کہنا تھا کہ نواز شریف اپنی واپسی کے حوالے سے اپنے کارکنوں سے غلط بیانی کرتے ہیں۔ پرویز الہی

جاوید ہاشمی نے کہا کہ ’نواز شریف اور موجودہ فوجی حکومت کا کوئی رابطہ ہوا ہے نہ وہ کرنا چاہتے ہیں‘۔ان کے بقول نواز شریف نے قوم کو فوجی حکمرانی سے ہمیشہ کے لیے نجات دلانے کا فیصلہ کر رکھا ہے۔

میاں نواز شریف نے دس ستمبر کو بھی پاکستان واپس آنے کی کوشش کی تھی لیکن انہیں ائرپورٹ سے ہی سعودی عرب بھجوادیا گیا تھا۔

ادھراس سے پہلے وزیراعلیٰ پنجاب چودھری پرویز الہی نے گجرات میں ایک پریس کانفرنس سے خطاب کرتے ہوئے کہا کہ نواز شریف تین برس سے پہلے واپس نہیں لوٹ سکتے۔ان کا کہنا تھا کہ نواز شریف اپنی واپسی کے حوالے سے اپنے کارکنوں سے غلط بیانی کرتے ہیں۔