احمدنور بی بی سی اُردو ڈاٹ کام، لاہور

	صدر مشرف اور اُن کے اتحادی حالات خراب کر کے نئی حکومت کو ناکام اور ججوں کی بحالی روکنا چاہتے ہیں

اُنہوں نے یہ بات بدھ کو منصورہ سے جاری کردہ اپنے ایک بیان میں کہی۔ اُن کے بقول صدر مشرف اور اُن کے اتحادی ملی بھگت سے مُلکی حالات خراب کر کے نئی حکومت کو ناکام بنانے اور ججوں کی بحالی کو روکنا چاہتے ہیں۔

قاضی حسین احمد نے کہا ہے کہ اٹارنی جنرل پاکستان ملک قیوم کی بدھ کو لندن میں الطاف حسین سے ملاقات کے فوری بعد کراچی میں فائرنگ، آتشزدگی اور وکلاء پر تشدد کے واقعات یہ بات ظاہر کر رہے ہیں کہ یہ سب کچھ گہری منصوبہ بندی سے کیا جا رہا ہے۔

اُن کے مطابق کراچی میں ہونے والے تشدد کے ذریعے بارہ مئی کے واقعات کو دہرایا جا رہا ہے اور بارہ مئی کی طرح اب بھی پولیس اور قانون نافذ کرنے والے دیگر ادارے محض تماشائی بنے جلتی ہوئی گاڑیوں اور مرتے ہوئے لوگوں کو دیکھتے رہے ہیں۔

اعتزاز استعفے پر نظر ثانی کریں  بیرسٹر اعتزاز احسن اپنے استعفے کے فیصلے پر نظر ثانی کریں تاکہ ججوں کی بحالی کی تحریک کو سبوتاژ کرنے کی سازش ناکام بنائی جا سکے قاضی حسین احمد

اُنہوں نے بیرسٹر اعتزاز احسن سے اپیل کی کہ وہ اپنے استعفے کے فیصلے پر نظر ثانی کریں تاکہ ججوں کی بحالی کی تحریک کو سبوتاژ کرنے کی سازش ناکام بنائی جا سکے۔