ریاض سہیل بی بی سی اردو ڈاٹ کام، کراچی

	پیپلز پارٹی نےغلام رحیم پر حملہ کرنے والے آغا جاوید پٹھان سے لاتعلقی کا اظہار کیا ہوا ہے

کراچی پولیس کے سربراہ نیاز احمد صدیقی نے بی بی سی کو بتایا کہ جاوید پٹھان کوگزشتہ روزگرفتار کیا گیا اور مزید کارروائی کی جارہی ہے۔

آغا جاوید پر الزام ہے کہ انہوں نے سندھ اسمبلی کے ایوان میں اس وقت مسلم لیگ ( ق) کے صوبائی صدر ارباب غلام رحیم کوگالیاں دیتے ہوئے جوتا اتار کر ماراجب وہ رکنیت کا حلف لینے کے لیے ایوان میں داخل ہو رہے تھے۔

اس واقعے کے بعد سے سندھ کا سیاسی منظر نامہ میں تبدیلی آگئی، متحدہ قومی موومنٹ نے ایوان کا غیر معینہ مدت تک بائیکاٹ کردیا جبکہ مسلم لیگ (ق)، مسلم لیگ فنکشنل اور نیشنل پیپلز پارٹی نے بھی ارباب غلام رحیم کی حمایت کرتے ہوئے بائیکاٹ کا اعلان کیا۔

نا فرمان بیٹا  گزشتہ شب آغا جاوید نے ایک ٹی وی انٹرویو میں کہا تھا کہ انہوں نے ہی ارباب غلام رحیم کو جوتا مارا تھا اور یہ انہوں نے کسی کے کہنے پر نہیں کیا بلکہ جذبات میں آ کر کیا کیونکہ بقول ان کےارباب غلام رحیم سندھ کے نافرمان بیٹے ہیں

مقامی نیوز چینل کے ایک پروگرام میں گزشتہ شب آغا جاوید نے بات کرتے ہوئے کہا تھا کہ انہوں نے ہی ارباب غلام رحیم کو جوتا مارا تھا اور یہ انہوں نے کسی کے کہنے پر نہیں کیا بلکہ جذبات میں آ کر کیا ہے کیونکہ بقول ان کے’ارباب غلام رحیم سندھ کا نافرمان بیٹا ہے۔‘

ان کا کہنا تھا کہ وہ پیپلز پارٹی پارلیمینٹرین کے سینئر رکن ہیں اور اس سے پیپلز پارٹی کو کوئی نقصان نہیں پہنچے گا اور اگر ’یہ واقعہ اس روز نہ ہوتا تو کسی اور روز ہوتا۔،