ریاض سہیل بی بی سی اردو ڈاٹ کام، کراچی

	ارباب غلام رحیم اسمبلی کے ایوان میں داخل ہوئے تو سپیکر کے عقب کی گیلری میں سے ایک کارکن نے انہیں جوتا اتار کر مارا

اس سے قبل اجلاس کی کارروائی جو کہ دس بجے شروع ہونا تھی ڈھائی گھنٹے کی تاخیر سے شروع ہوئی۔ اسمبلی کے پہلے اجلاس میں غیر متعلقہ افراد پر اسمبلی کی گیلریوں میں داخل ہونے اور نعرے بازی کی وجہ سے اس بار بہت سےکارڈ منسوخ کیے گئے پھر بھی بڑی تعداد میں پیپلز پارٹی کے کارکن وہاں موجود تھے۔

ارباب کی گاڑی پر پتھراؤ  ارباب غلام رحیم دستخط کرنے کے فوراً بعد ایوان سے باہر چلے گئے مگر مشتعل لوگوں نے جن میں خواتین بھی شامل تھیں، باہر بھی ان کا پیچھا نہ چھوڑا اور ان کی گاڑی پر پتھر برسائے۔

پیپلز پارٹی کی قیادت نے لوگوں کو پرسکون رہنے کی تاکید کی مگر وہ خاموش نہیں ہوئے۔ اس سے قبل پیپلز پارٹی کے نامزد سپیکر نثار کھوڑو نے بھی مائیک پر حاضرین سے خاموش رہنے کی اپیل کی اور کہا کہ وہ نعرے نہ لگائیں اور ایوان کے تقدس کو برقرار رکھیں مگر اس کے باوجود وہ نعرے لگاتے رہے۔

اسی ہنگامے کے دوران سندھ اسمبلی کے سپیکر نے ارباب غلام رحیم سے حلف لیا۔ روایت کے مطابق صوبائی اسمبلی کے نو منتخب ارکان، سپیکر کے ڈائس پر جا کر دستخط کرتے ہیں لیکن رجسٹر ارباب غلام رحیم کی سیٹ پر لے جا کر ان سے دستخط لیے گئے۔ دستخط کرنے کے فوراً بعد وہ ایوان سے باہر نکل گئے مگر مشتعل لوگوں نے جن میں خواتین بھی شامل تھیں، باہر بھی ان کا پیچھا نہ چھوڑا اور ان کی گاڑی پر پتھر برسائے۔

متحدہ قومی موومنٹ کے ارکان نے ارباب غلام رحیم کے ساتھ پیش آنے والےواقعے کے بعد اجلاس کا بائیکاٹ کر کے واک آؤٹ کیا ہے۔