عبدالحئی کاکڑ بی بی سی اردوڈاٹ کام، پشاور

	نئے گورنر کی تعیناتی کے بعد طالبان کے سربراہ بیت اللہ محسود کے خلاف باقاعدہ کارروائی شروع کی گئی ہے

انہوں نے یہ بات جمعہ کو امریکی سفیر این ڈبلیو پیٹرسن کو پشاور میں فاٹا اور صوبہ سرحد کی موجودہ صورتحال پر بریفنگ دیتے ہوئے بتائی۔

اویس احمد غنی نے امریکی سفیر کو بتایا کہ جنوبی وزیرستان اور نیم قبائلی علاقہ کوہاٹ ( درہ آدم خیل) میں اگرچہ صورتحال خراب ہے مگر بقول ان کے ’زیادہ تاریک نہیں‘۔

افغان کنیکشن  ’جب تک افغانستان کی صورتحال میں بہتری نہیں آجاتی تب تک ہمارے علاقے میں حالات غیر مستحکم رہیں گے گورنر غنی

گورنر نے افغانستان کی صورتحال پر روشنی ڈالتے ہوئے کہا کہ افغانستان کے حالات کی وجہ سے پاکستان کے قبائلی علاقے اور صوبہ سرحد عدم استحکام کا شکار ہے۔ ان کے بقول ’جب تک افغانستان کی صورتحال میں بہتری نہیں آجاتی تب تک ہمارے علاقے میں حالات غیر مستحکم رہیں گے‘۔

اویس احمد غنی نے دعویٰ کیا کہ افغانستان میں پوست کی پیداوار میں خطرناک حد تک اضافہ ہوا ہے اور منشیات سے حاصل ہونے والی رقم نہ صرف مبینہ جنگجؤوں کی مالی طاقت میں اضافہ کر رہی ہے بلکہ اس سے معاشرہ جرائم زدہ ہو رہی ہے۔

واضح رہے کہ گزشتہ ماہ صوبہ سرحد کے سابق گورنر علی محمد جان اورکزئی کے مستعفی ہونے کے بعد نئے گورنر اویس احمد غنی کی امریکی سفیر کے ساتھ یہ پہلی ملاقات تھی۔

نئے گورنر کی تعیناتی کے بعد حکومت نے جنوبی وزیرستان میں طالبان کے سربراہ بیت اللہ محسود کے خلاف باقاعدہ آپریشن شروع کیا ہے جبکہ گزشتہ جمعہ کو نیم قبائلی علاقے درہ آدم خیل میں شروع کی جانے والی بمباری اور لڑائی کے تین دن بعد مبینہ طالبان کو علاقے سے بے دخل کردیا گیا ہے۔