 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
مشرف نے امریکہ کو ’نہ‘ کر دی | ||||||||||||||||||||||||||||||||||||||||
ایک امریکی اخبار کی رپورٹ کے مطابق صدر مشرف نے حال ہی میں افغانستان سے ملحقہ سرحدی علاقوں میں طالبان اور القاعدہ کی کارروائیاں روکنے کے لیے زیادہ امریکی کردار کی درخواست کو مسترد کر دیا تھا۔ اخبار نیو یارک ٹائمز کے مطابق یہ درخواست پاکستان کے دورے پر آئے امریکی خفیہ اداروں کے دو سینئر اہلکاروں نے اس ماہ کے شروع میں کی تھی۔ اپنے یورپ کے دورے کے دوران صدر مشرف نے بارہا کہا ہے کہ دہشت گردی کے خلاف جنگ میں پاکستان فوج کو کسی غیر ملکی مدد کی ضرورت نہیں ہے۔ اخبار کے مطابق پاکستان کے سرحدی علاقوں میں بڑھتے ہوئے تشدد پر امریکی تشویش روز بروز بڑھتی جا رہی ہے۔ گیارہ جنوری کو اخبار ’دی سٹریٹ ٹائمز آف سنگاپور‘ کو ایک انٹرویو دیتے ہوئے صدر مشرف نے کہا تھا کہ اگر امریکی فوجی قبائلی علاقوں میں قدم رکھیں گے تو انہیں حملہ آور سمجھا جائے گا۔ خبر رساں ادارے اے پی کے مطابق صدر نے سنگاپور کے اخبار کو انٹرویو دیتے ہوئے یہ بھی کہا تھا کہ ’اگر وہ بغیر اجازت آئے تو یہ پاکستان کی خودمختاری کے خلاف ہو گا۔‘ انہوں نے کہا کہ میں چیلنج کرتا ہوں کہ جو کوئی بھی ہمارے پہاڑوں میں آئے گا وہ اس دن کو پچھتائے گا۔ |  اسی بارے میں  ’انتخابات منصفانہ اور پُرامن ہونگے‘24 January, 2008 | پاکستان مغرب پر جمہوریت کا بھوت سوار ہے: مشرف21 January, 2008 | پاکستان مشرف کا دورۂ یورپ، احتجاج کا سامنا21 January, 2008 | پاکستان انتخابات منصفانہ ہوں: یورپی اتحاد21 January, 2008 | پاکستان مشرف کو تلاش عالمی ہمدردی کی22 January, 2008 | پاکستان پریشانی کی کوئی وجہ نہیں: مشرف18 January, 2008 | پاکستان پاکستان میں آٹا سستا ہے: مشرف14 January, 2008 | پاکستان | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
