علی احمد خان بی بی سی اردو ڈاٹ کام، سوات

	سوات کی وادی پوری دنیا میں اپنے قدرتی مناظر اور ان آثار اور نوادرات کے لئے مشہور ہے

واضح رہے کہ سوات کی وادی پوری دنیا میں اپنے قدرتی مناظر اور ان آثار اور نوادرات کے لیے مشہور ہے۔میں نے گزشتہ دنوں مینگورہ میں جو سوات کا صدر مقام ہے عجائب گھر کے اہلکار محمد اقلیم سے جب دریافت کیا کہ ان آثار کی حفاظت کے لیے کیا اقدامات کیے جارہے ہیں تو انہوں نے کہا کہ بیشتر آثار کے گرد جنگلے وغیرہ لگادیئے گئے ہیں اور جو باقی ہیں ان کے گرد بھی جنگلے اور چار دیواری بنائی جارہی ہے، لیکن جب تک لوگ خود اسے اپنا تاریخی اثاثہ نہ سمجھیں اور اسے نقصان پہنچانے سے گریز نہ کریں اس کی حفاظت نہیں ہوسکتی۔

ان کا کہنا تھا کہ پوری وادی گندھارا بدھ دور کے آثاروں سے بھری ہوئی ہے جس پر اطالوی اور جرمن محقق کام کر رہے ہیں، اب یہ ہماری بدقسمتی ہے کہ ساری دنیا ان آثار پر تحقیق اور ان کی نمائش میں دلچسپی لے رہی ہے اور ہم انہیں تباہ کرنے پر تلے ہوئے ہیں۔

سوات افغانستان میں امریکی کارروائی سے پہلے تک غیرملکی سیاحوں کی دلچسپی کا مرکز رہا ہے، جس کا یہاں کی معیشت پر مثبت اثر پڑتا تھا اور یہاں کے دکاندار، رکشہ، ٹیکسی، ڈرائیور اور ہوٹل والے موسم گرما کا بڑی شدت سے انتظار کرتے تھے اس لیے کہ اس موسم میں ملکی اور غیرملکی سیاحوں کی وادی میں یلغار ہوتی تھی جس سے وہ اتنا کما لیتے تھے کہ موسم سرما میں جب بیشتر وادی برف پوش ہوجاتی اور بازار مندا ہوجاتا تو وہ گذارا کرلیتے تھے۔

امن پسند لوگ اور انتہاپسند  سوات کے لوگ اپنی فطرت میں بڑے امن پسند ہیں لیکن انتہا پسند عناصر جہالت اور معصومیت کا فائدہ اٹھاتے ہوئے انہیں ورغلاتے رہتے ہیں شہزادہ اورنگزیب

ریاست سوات کے سابق ولی عہد شہزادہ اورنگزیب نے اس صورتحال پر تبصرہ کرتے ہوئے کہا کہ سوات کے لوگ اپنی فطرت میں بڑے امن پسند ہیں لیکن انتہا پسند عناصر جہالت اور معصومیت کا فائدہ اٹھاتے ہوئے انہیں ورغلاتے رہتے ہیں، ’ حکام نے شروع میں ان کی سرکوبی کرنے کے بجائے انکو نظرانداز کیا اب وہ اتنے منظم اور دلیر ہوگئے ہیں کہ ان پر قابو پانا مشکل ہوگیا ہے، حقیقت یہ ہے کہ اب مینگورہ شہر میں سرکاری افسران بھی سرکاری گاڑیوں میں نکلتے ہوئے گھبراتے ہیں‘۔