رفعت اللہ اورکزئی بی بی سی اردو ڈاٹ کام، پشاور

	گوداموں میں زیادہ تر سکریپ افغانستان سے آتا ہے

زخمیوں میں سے ایک کی حالت تشویش ناک بتائی جا رہی ہے۔

پولیس کے مطابق یہ واقعہ جمعرات کی سہ پہر کمبو اڈہ کے قریب رنگ روڈ پر سکریپ کے ایک گودام میں پیش آیا۔ پولیس اہلکار کا کہنا ہے کہ دھماکہ مارٹر گولے کا فیوز پھٹنے سے ہوا۔

تھانہ پہاڑ پورہ کے ایس ایچ او فیاض خان کے مطابق کچھ مزدور رنگ روڈ پر حنیف پیٹرول پمپ کے قریب واقع شکور نامی شخص کے گودام میں افغانستان سے لائے گئے سکریپ میں کام کررہے تھے کہ اچانک ایک زوردار دھماکہ ہوا جس سے ایک مزدور ہلاک اور چھ زخمی ہوئے۔

زخمیوں کو لیڈی ریڈنگ ہپستال پشاور منتقل کردیا گیا ہے جہاں پر ایک مزدور کی حالت تشویش ناک بتائی جا رہی ہے۔

پشاور میں سکریپ کے کئی گودام موجود ہیں۔ شہر سے باہر واقع ان گوداموں میں زیادہ تر سکریپ پڑوسی ملک افغانستان سے آتا ہے جن میں دھماکہ خیز مواد بھی موجود ہوتا ہے تاہم ان گوداموں کی چیکنگ کا کوئی موثر نظام نہ ہونے کے باعث ان میں اکثر اوقات دھماکے ہوتے ہیں۔