رفاقت علی بی بی سی اردو ڈاٹ کام، اسلام آباد

	نواز شریف اسمبلی کیس کے بعد غالباً یہ پہلا موقعہ تھا کہ کسی فیصلے میں اتنی دلچسپی دیکھی جا رہی تھی۔

تاہم جمعہ کے روز عدالت کا ماحول انتہائی سنجیدہ تھا اور اس کا اثر بنچ اور بار دونوں پر نظر آیا۔ ایک موقع پر جب جسٹس رمدے نے چیف جسٹس کے
وکیل اعتزاز احسن کو چھیڑنا چاہا تو وہ بھی ماحول کی سنجیدگی کے زیر اثر نظر آئے اور کہا کہ ’مائی لارڈ آئی ایم سیریس‘۔

جمعہ جب سپریم کورٹ کے فل کورٹ بینچ کے سامنے چیف جسٹس افتخار محمد چودھری کی آئینی درخواست کی سماعت شروع ہوئی تو اس وقت وکلاء کی ایک بڑی تعداد عدالت میں موجود تھی۔ ان میں بڑی تعداد ملک کی مختلف بار ایسوسی ایشنوں کے نمائندوں کی تھی جو سپریم کورٹ کا فیصلہ سننے کے لیے وفاقی دارالحکومت آئی تھی۔ سماعت ختم ہونے کے بعد کیے گئے وقفے میں کئی نوجوان وکلاء کو چیف جسٹس کے وکیل اعتزاز احسن سے آٹوگراف لیتے دیکھا گیا۔

سکیورٹی  سپریم کورٹ کے فیصلے میں ذرائع ابلاغ کی زبردست دلچسپی دیکھی گئی۔ جہاں عدالت کے اندر ملکی اور غیر ملکی میڈیا ے نمائندوں کی بڑی تعداد میں موجود دیکھی گئی وہیں عدالت کے باہر لگائے گئے کیمروں کی تعداد بھی عام دنوں کی نسبت کہیں زیادہ تھی۔

عدالت ہجوم کا اندازہ اس بات سے لگایا جا سکتا ہے کہ ساڑھے نو بجے عدالتی کارروائی شروع ہونے سے بہت پہلے ہی سپریم کورٹ کے احاطے میں موجود پارکنگ ایریا بھر چکا تھا اور اس میں مزید گاڑی کھڑی کرنے کی جگہ نہیں تھی۔

ملک بھر میں امن و امان کی خراب صورتِ حال کے پیش نظر سپریم کورٹ میں سکیورٹی انتہائی سخت تھی اور عدالت کے احاطے میں داخل ہونے والے ہر شخص کی میٹل ڈیٹیکٹر اور سکینرز سے چیکنگ کی تھی۔

ملک کی سیاسی صورت حال میں چیف جسٹس کے مقدمے کی اہمیت کے پیشِ نظر سپریم کورٹ کے فیصلے میں ذرائع ابلاغ کی زبردست دلچسپی دیکھی گئی۔ جہاں عدالت کے اندر ملکی اور غیر ملکی میڈیا ے نمائندوں کی بڑی تعداد میں موجودگی دیکھی گئی وہیں عدالت کے باہر لگائے گئے کیمروں کی تعداد بھی عام دنوں کی نسبت کہیں زیادہ تھی۔ فیصلے کے بارے میں براہِ راست نشریات کے لیے کئی نشریاتی اداروں کی او بی وینیں سپریم کورٹ کی عمارت اور پرائم منسٹر سیکریٹیریٹ کے درمیان واقع خالی جگہ پر گھڑی نظر آ رہی تھیں۔