 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
ٹانک: دھماکے میں دو فوجی ہلاک | ||||||||||||||||||||||||||||||||||||||||
صوبہ سرحد کے جنوبی شہر ٹانک میں ایک بارودی سرنگ کے دھماکے میں فوج کے دو اہلکار ہلاک اور سات زخمی ہوگئے ہیں۔ زخمیوں کو ٹانک کے آرمی ہسپتال میں داخل کر دیاگیا ہے۔ ایک دوسرے واقعہ میں پولیس کی گاڑی پر دستی بم پھنکنے کوشش میں حملہ آور ہلاک ہو گیا ہے۔ ٹانک کی مقامی انتظامیہ نے بتایا ہے کہ سنیچر کی صبح سات بجے ایک فوجی قافلہ ڈیرہ اسماعیل خان سے وانا جا رہا تھا کہ ٹانک شہر سے پانچ کلومیٹر جنوب کی طرف وانا روڈ پر پھتر پل کے قریب ایک گاڑی بارودی سرنگ سے ٹکرا گئی۔ دھماکے کے بعد مقامی انتظامیہ اور پولیس جائے وقوعہ پر پہنچ گئے ہیں جبکہ ٹانک وانا شاہراہ کو ہر قسم کی ٹریفک کے لیے بند کر دیاگیا ہے۔ ٹانک میں گزشتہ دو ہفتہ سے حالات انتہائی کشیدہ ہیں، رات کے وقت ایف سی قلعہ اور پولیس تھانوں پر راکٹ داغے جاتے ہیں جبکہ حکومت نے رات کو کرفیو نافذ کر رکھا ہے۔ اس کے علاوہ پولیس کا کہنا ہے کہ بارودی سرنگ کے دھماکے کے تین گھنٹے بعد ٹانک شہر سے دس کلومیٹر دور وانا ہی روڈ پر ایک حملہ آور نے پولیس کی گاڑی پر دستی بم پھنکنے کوشش کی لیکن بم پھنکنے سے پہلے پھٹ گیا جس کے نتیجہ میں حملہ آور موقع ہی پر ہلاک ہوگیا ہے۔ پولیس نے لاش کو اپنے قبضہ میں لے لیا ہے اور اسے شناخت کے لیے صدر تھانہ ٹانک میں رکھا گیا ہے۔ ٹانک کے حالت بہتر بنانے کے لیے قائد حزب اختلاف مولانا فضل الرحمن نے ایک امن کمیٹی بھی بنائی تھی، لیکن وہ ابھی تک امن و امان بحال کرانے میں ناکام ہے۔ چوبیس مئی کو پولیس نے امن کمیٹی کو ٹانک کے حالات میں مبینہ طور پر ملوث 24 افراد کے ناموں کی فہرست حوالے کی تھی۔ پولیس کے مطابق ان تمام مطلوبہ افراد کا تعلق جنوبی وزیرستان سے ہے۔ |  اسی بارے میں  ٹانک: ایف سی قلعہ پر راکٹ24 May, 2007 | پاکستان ٹانک: کرفیو نافذ، فوج طلب17 May, 2007 | پاکستان ٹانک فائرنگ ،6 ہلاک، 15 زخمی16 May, 2007 | پاکستان سکیورٹی فورسز پر حملے: چار زخمی08 April, 2007 | پاکستان ٹانک: گھر گھر تلاشی ہو گی30 March, 2007 | پاکستان ’ٹانک میدان جنگ بن گیا تھا‘28 March, 2007 | پاکستان | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
