دلاور خان وزیر بی بی سی اردو ڈاٹ کام، ڈی آئی خان

	نامعلوم افراد نے بدھ کو پھر صدر تھانے پر حملہ کیا (فائل فوٹو)

بی بی سی بات کرتے ہوئے ڈیرہ اسماعیل خان کے ڈی آئی جی نے بتایا کہ حملہ آوروں نے تھانے کے علاوہ شہر میں مختلف مقامات پر فائرنگ بھی کی ہے جس کے بعد آئندہ چوبیس گھنٹوں کے لیے مرکزی بازار بند کر دیے گئے ہیں اور لوگوں کی آمد و رفت پر بھی پابندی ہے۔

ذوالفقار چیمہ کا کہنا تھا کہ حملہ آوروں نے راکٹوں، میزائیلوں اور چھوٹی توپوں سمیت بھاری اسلحہ بھی استعمال کیا۔

دو روز تک قدرے پرامن رہنے کے بعد بدھ کی صبح نامعلوم افراد نے ایک مرتبہ پھر صدر تھانے پر دستی بم سے حملہ کیا۔ زخمی ہونے والے پندر افراد میں چھ اہلکار بھی شامل ہیں۔

اس واقعے کے بعد شہر میں جگہ جگہ فائرنگ کا ایک نیا سلسلہ شروع ہوگیا ہے۔