اعجاز مہر
بی بی سی اردو ڈاٹ کام، اسلام آباد |  |
| | | جنسی زیادتیوں کے خلاف خواتین میں بیداری دیکھی گئی ہے |
جنسی تشدد کا نشانہ بننے والی سیالکوٹ کی ایک لڑکی نازش بھٹی کے اہل خانہ کو ملزمان سے ملنے والی دھمکیوں کے خلاف غیر سرکاری تنظیموں نے خواتین کی ترقی کی وزارت کے سامنے احتجاجی مظاہرہ کیا۔ مظاہرے میں انیس سالہ نازش اور ان کے والد بھی شریک رہے اور شرکاء نے خواتین کے بڑھتے ہوئے خلاف تشدد کے واقعات پر حکومت کے خلاف نعرے لگائے۔ انہوں نے خواتین کے امور کی وزیر ثمیرا ملک کے خلاف بھی نعرے لگائے جس کے بعد وزارت کا ایک افسر انہیں مزاکرات کے لیے دفتر لے گیا۔ وزارت کے سیکریٹری نے نازش بھٹی کو وکیل فراہم کرنے اور ان کا مقدمہ لاہور سے اسلام آباد منتقل کرنے کی یقین دہانی کرائی۔ لیکن اہل خانہ کو تحفظ دینے یا انہیں اسلام آباد منتقل کرنے کے بارے میں دلاسہ دیا کہ وہ وزارت قانون سے بات کرکے انہیں مطلع کریں گے۔ قبل ازیں مظاہرے کے دوران خواتین کے حقوق کی ایک غیر سرکاری تنظیم کی سرکردہ رہنما فرزانہ باری نے کہا کہ نازش بھٹی اور سونیا ناز کو جنسی تشدد کا نشانہ بنانے والے ملزمان کی رہائی ناانصافی کی انتہا ہے۔ | ثبوت موجود، ملزمان کو سزا نہیں  نازش کے والد محمد اصغر بھٹی نے بتایا ان کے چالیس سالہ رشتہ دار محمد ریاض اور اس کے ساتھیوں نے نازش کو اغوا کیا اور اُسے شبانہ پٹھانی کے بدکاری کے اڈے پر لے گئے۔ ان کے مطابق سینتیس روز تک ملزمان ان کی بچی پر جنسی تشدد کرتے رہے اور میڈیکل رپورٹ سمیت ثبوتوں کے باوجود بھی ملزمان کو سزا نہیں ہوئی۔  |
برقعہ پوش نازش نے بی بی سی کو بتایا کہ سن دو ہزار پانچ میں کالج جاتے ہوئے انہیں ’غنڈوں‘ نے تھانے کے قریب سے اغوا کیا اور جنسی حوس کا نشانہ بنایا۔ ان کے مطابق ملزمان بااثر ہونے کی وجہ سے ایڈیشنل سیشن جج سیالکوٹ کی عدالت سے رہا ہوگئے اور انہوں نے اب وفاقی شرعی عدالت میں اپیل کی ہے۔ نازش کے والد محمد اصغر بھٹی نے بتایا ان کے چالیس سالہ رشتہ دار محمد ریاض اور اس کے ساتھیوں نے نازش کو اغوا کیا اور اُسے شبانہ پٹھانی کے بدکاری کے اڈے پر لے گئے۔ ان کے مطابق سینتیس روز تک ملزمان ان کی بچی پر جنسی تشدد کرتے رہے اور میڈیکل رپورٹ سمیت ثبوتوں کے باوجود بھی ملزمان کو سزا نہیں ہوئی۔ انہوں نے کہا کہ جب نازش کو ملزمان نے چھوڑا تو پولیس نے پکڑ لیا اور ایک سب انسپیکٹر خالد محمد بھٹی اور ایک سپاہی نے انہیں اپنے پاس رکھا اور رات بھر جنسی تشدد کا نشانہ بنایا۔ محمد اصغر نے بتایا کہ چالیس سالہ ملزم محمد ریاض بھٹی کی پہلے ہی دو بیویاں ہیں اور انہوں نے نازش کا رشتہ مانگا جس پر انہوں نے انکار کیا۔ ان کے مطابق رشتہ دینے سے انکار کے بعد ملزم نے ان کی بیٹی کو اغوا کرکے جنسی تشدد کا نشانہ بنایا۔ انہوں نے بتایا کہ ملزم امریکہ سے آیا ہے اور اس کے پاس کافی دولت ہے اور پولیس بھی ان کے خلاف کوئی کارروائی نہیں کر رہی۔ ان کے مطابق شرعی عدالت میں اپیل داخل کرنے کے بعد ملزمان مقدمہ واپس لینے کے لیے جان سے مارنے کی دھمکیاں دے رہے ہیں۔ | 
باجوڑ: قبائل اور حکومت میں معاہدہ
