ریاض سہیل بی بی سی اردو ڈاٹ کام کراچی

	کراچی کے نشتر پارک کے سانحے کے بعد گزشتہ سال نو مئی کو سنی تحریک کی جانب سے نکالے جانے والا تعزیتی جلوس ایک جناح روڈ سے گزر رہا ہے

تین روز قبل اتوار کو اہل حدیث مسلک کی مسجد سے مرکزی جمعیت اہل حدیث سندھ کے رہنما یوسف قصوری کے خطبے پر علاقے کے لوگوں نے مسجد کا گھیراؤ کرلیا تھا۔

پولیس کی ایک بھاری نفری نے پہنچ کر مولوی یوسف کو اپنی تحویل میں لے لیا تھا۔ بعد میں برگیڈ تھانے میں مولوی یوسف قصوری کے خلاف پیغمبر اسلام کی توہین کا مقدمہ دائر کیا گیا تھا۔

مولوی یوسف کی رہائی کے اطلاع پر اہلسنت جماعتوں نے سخت رد عمل کا اظہار کیا اور سنی تحریک نے اس پر پورے شہر میں احتجاج کی دہمکی دی تھی۔

منگل کی رات کو دس بجے کے قریب جب پولیس اہلکار بیانات قلمبند کرنے علاقے میں پہنچے تو اچانک فائرنگ کا سلسلہ شروع ہوگیا اور پولیس اہلکاروں نے بھاگ کر جان بچائی۔

نامعلوم لوگوں نے پولیس موبائل کو آگ لگا دی ، چھتوں سے نامعلوم افراد نے پوزیشن سنبھال لی، فائرنگ میں ایک شخص شہزاد زخمی ہوگیا۔

لائنز ایریا کی گلیوں سے ہزاروں کی تعداد میں لوگ ’غلامی رسول میں موت بھی قبول ہے‘ کے نعرے لگاتے ہوئے سڑک پر نکلے آئے اور سڑک پر رکاوٹیں کھڑی کرکے آگ لگائی گئی۔

سنی مقررین جواز بیان کرتے ہیں  پولیس کو کہا تھا کہ جب تک یہ معاملہ حل نہیں ہوجاتا مسجد کو سیل کیا جائے مگر پولیس نے یہ بات نہیں مانی جس وجہ سے یہ صورتحال پیدا ہوگئی ہے

ان کا کہنا تھا کہ ’انہوں نے پولیس کو کہا تھا کہ جب تک یہ معاملہ حل نہیں ہوجاتا مسجد کو سیل کیا جائے مگر پولیس نے یہ بات نہیں مانی جس وجہ سے یہ صورتحال پیدا ہوگئی ہے‘۔

انہوں نے خبردار کیا کہ اگر حکام نے کارروائی نہیں کی تو انہیں مسجدوں سے قبضے خالی کروانے آتے ہیں۔

بعض مقررین کا کہنا تھا کہ پولیس کو مسجد کے اندر داخل ہوکر ان لوگوں کو گرفتار کرنا چاہیے مگر پولیس حکام نے اس سے انکار کر دیا ۔ رات گئے تک صورتحال کشیدہ تھی۔