نثار کھوکھر
بی بی سی اردو ڈاٹ کام، اسلام آباد |  |
| | | چند دنوں سے پی پی پی نے چیف جسٹس کی معطلی پر خاموشی اختیار کررکھی تھی |
پاکستان پیپلز پارٹی نے سپریم کورٹ کے چیف جسٹس کو معطل کرنے والے معاملے پر اپنی خاموشی توڑتے ہوئے کہا ہے کہ وہ احتجاج کرنے والے وکلاء کے ساتھ ہیں۔ جمعرات کو پیپلز پارٹی پارلیمنٹیرین کے سربراہ مخدوم امین فہیم نے اسلام آباد میں پارٹی دفتر میں بلائی گئی پریس کانفرنس میں کہا کہ پاکستان میں انصاف قید میں ہے۔’انصاف کو رہائی ملے گی تو سب کو انصاف ملے گا۔‘ چیف جسٹس کے معاملے پر ملک میں ہونے والے احتجاج میں پارٹی کی عدم شرکت کے بارے میں پوچھے گئے سوال کے جواب میں ان کا کہنا تھا کہ یہ غلط تاثر ہے۔ اعتزاز احسن اور زمرد خان جیسے پارٹی لیڈران اس احتجاج میں شریک تھے۔ انہوں نے کہا کہ پارٹی کی مرکزی ایگزیکیٹو کمیٹی کے اجلاس کی وجہ سے پارٹی کی بقیہ قیادت سپریم کورٹ کے سامنے احتجاج میں شریک
نہیں ہو سکی۔ چودھری نثار علی خان کی طرف سے بلائے گئے اجلاس میں شرکت نہ کرنے حوالے سے پوچھے گئے سوال کے جواب میں انہوں نے کہا کہ ’شاید چودھری نثار علی کے پاس میرا نمبر نہیں تھا۔ یا میرا نمبر انہیں نھیں مل رہا ہوگا کیونکہ میرا موبائل کہیں غائب ہوگیا ہے۔اس لیے ان کا رابطہ نہیں ہوسکا۔‘ انہوں نے کہا کہ اے آر ڈی میں اس معاملے پر اختلافلات نہیں ہیں۔
| 
باجوڑ: قبائل اور حکومت میں معاہدہ
