ہارون رشید بی بی سی اردو ڈاٹ کام، پشاور

	لاش کے ساتھ ایک پیغام پر لکھا تھا کہ یہ شخص امریکہ کے لیے جاسوسی کرتا تھا (فائل فوٹو)

ٹانک سے ملنے والی اطلاعات کے مطابق یہ لاش ایف آر ٹانک کے علاقے سے ملی جسے شناخت کے لیے ٹانک لایا گیا۔

حکام کا کہنا ہے کہ اس شخص کی شناخت ہوگئی ہے اور وہ تیس سالہ افغان شہری اختر عثمان ہیں۔ ان کی لاش بوری میں بند تھی تاہم ان کا سر اور ایک پیغام اس بوری کے ساتھ پڑے ملے ہیں۔

اختر عثمان کے بارے میں بتایا جاتا ہے کہ وہ ماضی میں علاقے میں شدت پسندی کے خلاف کھل کر بات کرتے رہے تھے۔

پاکستان کے قبائلی علاقوں خصوصا جنوبی اور شمالی وزیرستان میں گزشتہ کئی برسوں سے امریکہ کے لیے جاسوسی اور حکومت کے حامی ہونے کے الزامات کے تحت بڑی تعداد میں لوگ مارے جا چکے ہیں۔