علی سلمان بی بی سی اردوڈاٹ کام، لاہور

	پاکستان سے تعلق رکھنے والے افراد کی مزید لاشیں پہنچنے کا امکان ہے

ان زخمیوں میں سے دو کی حالت نازک بتائی جاتی ہے جبکہ باقی پانچ کو لاہور سے ان کے آبائی علاقوں کی طرف روانہ کر دیا گیا ہے۔

پاک فضائیہ کا طیارہ زخمیوں کو لے کر لاہور کے پرانے ایئر پورٹ پر اترا تو پنجاب کے وزیراعلیٰ چوہدری پرویز الہی، وفاقی وزیر اطلاعات محمد علی درانی اور طبی ماہرین کی ایک ٹیم موقع پر موجود تھے۔

لاہور ایئر پورٹ پر میو ہسپتال کے میڈیکل سپرنٹنڈنٹ ڈاکٹر فیاض رانجھا بھی موجود تھے۔ انہوں نے بی بی سی کو بتایا کہ زخمیوں میں سے ایک نوسالہ بچے شمیم کی حالت بہت نازک تھی اور اسے مصنوعی تنفس فراہم کر کے میوہسپتال منتقل کیا گیا ہے، جہاں اس کی حالت پہلے سے تو بہتر ہے لیکن خطرے سے باہر نہیں ہے۔

ایک اور زخمی اشوک کمار کی حالت بھی نازک بتائی جا رہی ہے۔

ڈاکٹر فیاض رانجھا کے مطابق ابتداء میں کہا گیا تھا کہ دلی میں زیر علاج بیس

شناخت کا مسئلہ  چند زخمی ایسے بھی ہیں جن کے شناختی کاغذات جل گئے ہیں اور اب انہیں پاکستان منتقل کرنے میں دشواری پیش آ رہی ہے ڈاکٹر فیاض رانجھا

ڈاکٹر رانجھا کے مطابق کہا جا رہا ہے کہ چند زخمی ایسے بھی ہیں جن کے شناختی کاغذات جل گئے ہیں اور اب انہیں پاکستان منتقل کرنے میں دشواری پیش آ رہی ہے۔

پاکستان نے واقعہ کے فوراً بعد زخمیوں کو لانے کے لیے جہاز ہندوستان بھجوانے کا اعلان کیا تھا، لیکن پاکستانی حکام کے مطابق ہندوستان سے بر وقت اجازت نہ ملنے کی وجہ سے تاخیر ہوئی۔

ادھر اطلاعات کےمطابق سمجھوتہ ایکسپریس کے واقعہ میں ہلاک ہونے والے پاکستانیوں کی مزید لاشیں جمعہ کے روز واہگہ کے راستے لاہور پہنچنے کا امکان ہے۔