ایوب ترین کوئٹہ

	چمن-سپن بلدک چیک پوائنٹ سرحد پار تجارت کا اہم راستہ ہے

اس مقصد کے لیے چمن کے ان لوگوں اور تاجروں کو جو روزانہ سپن بلدک آتے جاتے ہیں 6000 سے زائد خصوصی کمپیوٹرائزڈ شناختی کارڈ جاری کردیے گئے ہیں۔

کوئٹہ میں ایک اعلیٰ سرکاری افسر نے بتایا ہے کہ اس عمل سے ان افغان باشندوں کو پاکستان آمد میں مشکلات کا سامنا ہوگا جو پہلے ہر روز کام کے سلسلے میں چمن آیا جایا کرتے تھے۔

حکومتی ذرائع کا کہنا ہے کہ پاکستان نے یہ قدم مشکوک طالبان کا راستہ روکنے کے لیے اٹھایا ہے۔ لیکن مقامی لوگوں کا کہنا ہے کہ اس سے سرحد پر رہنے والے قبائل کی مشکلات بڑھ جائیں گی۔

کوئٹہ میں ایک غیرسرکاری تنظیم کے لیے کام کرنے والے محمد نسیم کا کہنا تھا: ’دونوں ملکوں کے لوگوں کو جو یہاں پر آباد ان پر اس کے کافی برے اثرات مرتب ہوں گے۔ یہاں بڑے عرصے سے دونوں جانب کے لوگوں کی رشتہ داریاں ہیں۔‘

اگر دہشت گردی کو روکنا ہے تو صرف سرحد پر کمپیوٹر سیسٹم نصب کرنا، باڑ لگانا، یہ بالکل غلط بات ہے۔ اگر واقعی پاکستان یہ سمجھتا ہے کہ کوئی دہشت گردوں کی پشت پناہی کررہا ہے تو اس کے لیے ضروری ہے کہ ان لوگوں کی تلاش کی جائے جو دہشت گردی میں ملوث ہیں یا جو افغانستان میں جاکر خودکش حملے کرتے ہیں۔ تاجر محمد عیسیٰ

انہوں نے کہا: ’اگر واقعی پاکستان یہ سمجھتا ہے کہ کوئی دہشت گردوں کی پشت پناہی کررہا ہے تو اس کے لیے ضروری ہے کہ ان لوگوں کی تلاش کی جائے جو دہشت گردی میں ملوث ہیں یا جو افغانستان میں جاکر خودکش حملے کرتے ہیں۔‘

اسکول ٹیچر شاہ حسین کا خیال تھا کہ ایسے شناختی کارڈو دونوں حکومتیں بنائیں تبھی کامیابی ملے گی۔ ’یہ یکطرفہ جو کارڈ جاری کیے گئے ہیں اس سے مسئلہ حل نہیں ہوگا، بلکہ اس سے معاملات مزید پیچیدہ ہوجائیں گے۔

شاہ حسین کا کہنا تھا: ’حقیقت میں افغانستان کے ساتھ بارڈر اتنا طویل ہے کہ ایک مقام پر کمپیوٹر نصب کرنے سے کچھ نہیں ہوگا، سوائے دکھاوے کے۔‘

سرحدی امور سے واقف ماہرین کا کہنا ہے کہ پاکستان کو یہ اقدامات کرنے سے پہلے افغان حکومت کو اعتماد میں لینا چاہیے۔

واضح رہے کے افغان حکومت نے پاکستان کے اس منصوبے کی پہلے سے ہی مخالفت کی ہے جس کے تحت سرحد پر بارودی سرنگیں بچھانے اور خاردار تار لگائی جائیں گی۔