طبی معائنے کے بہانے جیل سے نکال کر جہاز میں بٹھا دیا گیا

بی بی سی سے بات کرتے ہوئے ان کا کہنا تھا ’میں اگر کوئی درخواست دونگا تو وہ صرف یہ ہوگی کہ ملک میں جمہوریت بحال کردیں‘۔

ہاشمی پیرول پر رہا

جاوید ہاشمی کے مطابق انہیں یہ کہہ کر جیل سے باہر لایا گیا کہ طبی معائنے کے لیے ہسپتال لے جانا ہے، لیکن بعد میں ایئرپورٹ لا کر زبردستی جہاز میں بٹھا دیا۔

آئین کی خلاف ورزی  آئین کی خلاف ورزی کرنے والوں کو مقدمات کا سامنا کرنا ہو گا۔ اس حوالے سے کسی نے بھی لچک کا مظاہرہ کیا تو اسے ملک و قوم کے سامنے شرمندگی کا سامنا کرنا پڑے گا جاوید ہاشمی

انہوں نے کہا کہ اس تاثر میں کوئی حقیقت نہیں ہے کہ مسلم لیگ (ن) میں ان کی قربانیوں کو نظرانداز کرتے ہوئے شہباز شریف کو جماعت کی قیادت دی گئی ہے۔ ان کا کہنا تھا کہ وہ اپنی جماعت کےقائم مقام صدر ہیں لیکن انہیں قید میں ڈال کر تنظیمی کام کرنے سے عملی طور پر روک دیا گیا ہے۔

’ہماری جماعت کے قائد نواز شریف اور صدر شہباز شریف کو ملک بدر جبکہ قائم مقام صدر کو جیل میں بند کر کے کوشش کی گئی ہے کہ ہم سانس بھی نہ لے سکیں۔‘

جاوید ہاشمی کا کہنا تھا کہ جمہوریت اور 73 کے آئین کی بحالی کے حوالے سے ان کی جماعت کا مؤقف سب سے زیادہ مضبوط ہے۔

جاوید ہاشمی نے ایک سوال کے جواب میں وضاحت کرتے ہوئے کہا کہ وہ فوج کے خلاف نہیں بلکہ ان لوگوں کے خلاف ہیں جو فوج کا نام استعمال کر کے اقتدار پر قابض ہیں۔ ’فوج کا کام حکومت کرنا نہیں ہے، ہم انہیں بیرکوں میں بھیج کر رہیں گے۔‘

انہوں نے کہا کہ آئین کی خلاف ورزی کرنے والوں کو مقدمات کا سامنا کرنا ہو گا۔ ’اس حوالے سے کسی نے بھی لچک کا مظاہرہ کیا تو اسے ملک و قوم کے سامنے شرمندگی کا سامنا کرنا پڑے گا۔‘