علی سلمان بی بی سی اردو ڈاٹ کام، لاہور

	ماہرین کے مطابق قابل مرمت گاڑیوں کا استعمال بھی حادثہ کی ایک وجہ ہے

ہلاک ہونے والوں میں چار بچے اور ایک عورت بھی شامل ہے۔

تونسہ شریف ضلع ڈیرہ غازی خان سے کوئی سو کلومیٹر کے فاصلے پر ہے اور حادثے کاشکار ہونےوالی گاڑی نواحی پہاڑی علاقے فاضلیہ سے تونسہ شریف کی جانب آرہی تھی۔

تھانہ تونسہ شریف میں تعینات ایک پولیس اہلکارغلام یاسین نے بتایا کہ تونسہ سے کچھ فاصلے پرگاڑی اچانک بےقابو ہوگر چشمہ رائٹ بنک کینال میں جاگری جس سےڈرائیور سمیت اس میں سواربارہ افراد ڈوب کر ہلاک ہوگئے جب کہ باقی کو مقامی لوگوں کی مدد سے نکال لیا گیا۔

زخمیوں کوتحصیل ہیڈکوراٹر ہسپتال میں داخل کرادیا گیا ہے۔

ضلع پولیس افسر ڈیرہ غازی خان سعداللہ خان نے بی بی سی کو بتایاکہ حادثہ گاڑی کا ٹائی راڈ کھل جانے کی وجہ سے پیش آیا۔

ماہرین کاکہنا ہے کہ پاکستان میں پرانی اور قابل مرمت مسافر گاڑیاں بھی حادثات کی شرح میں اضافہ کا ایک سبب ہے۔