دلاورخان وزیر صحافی، ڈیرہ اسما عیل خان

	ڈیرہ غازی خان میں سپاہ صحابہ کے کارکن اور شیعہ کارکن کی ہلاکت کے بعد شہر میں خوف ہو ہراس پھیلا ہوا ہے۔

ڈیرہ اسماعیل خان پولیس کے مطابق یونیورسٹی روڈ پرسپاہ صحابہ کے کارکن سجاد موٹرسائیکل پرجا رہے تھے اس دوران ان کے تعاقب میں آنیوالی دوسری موٹرسائیکل پر سوار دو افراد نے ان پر فائرنگ کردی جس وہ شدید زخمی ہوگے بعدازاں وہ ڈیرہ اسماعیل خان سول ہسپتال میں زخموں کی تاب نہ لاتے ھوئےدم توڑ گے۔

اس واقعہ کے آٹھ گھنٹے بعد شام کے وقت بھرے بازار میں دو نا معلوم نقاب پوشوں نے پولیس چوکی کے قریب ایک دوکان میں موجود اہل تشیع کے اھم رہنما لیاقت علی عمرانی پر فائرنگ کرکے شدید زخمی کردیا۔لیاقت علی عمرانی زخموں کی تاب نہ لاتے ہوئے ہلاک ہو گئے ہیں۔

لیاقت علی عمرانی لوکل اخبارات میں سیاسی اور سماجی حوالے سے مضامین بھی لکھتے تھے اور اہل تشیع کےمشہور ذاکرین میں سے تھے۔

ان واقعات کے بعد ڈیرہ اسما عیل خان میں حالت کشیدہ ہو گئے ہیں۔ پولیس اور ایف سی کو چوکس کردیا گیا ہے اور شہرمیں جگہ جگہ پولیس اور ایف سی کی نفری بڑھا دی گئی بازاروں میں رش کم ھونے لگا اور شہر مضافاتی علاقوں میں زبردست خوف ہراس پھیل گیا ہے۔