ریاض سہیل بی بی سی اردو ڈاٹ کام، کراچی

	فرقہ وارانہ دہشتگردی کے واقعات کے بعد وہ ایک شیعہ رہنما کے طور پر ابھر کر سامنے آئے۔

صوبائی وزیر داخلہ نے واقعے کی تحقیقات سندھ ہائی کورٹ کے جج سے کروانے کا بھی اعلان کیا ہے۔

سندھ پولیس کے سربراہ نے کراچی شہر کے پولیس چیف کی سربراہی میں تحقیقاتی ٹیم بنائی ہے۔ آئی جی نے ایک اجلاس میں پولیس حکام کو ہدایت کی کہ حملے کی مختلف زاویوں سے تحقیق کی جائے اور فرقہ وارنہ دہشتگردی کے پہلو کو بھی مد نظر رکھا جائے۔

خودکش بمبار کا سر جناح ہسپتال لایا گیا جہاں اس کو صاف کرکے تصاویر لی گئی ہیں۔ ان تصاویر کا قومی رجسٹریشن اتھارٹی نادرہ کے ریکارڈ سے موازنہ کیا جائےگا۔

پولیس کے مطابق حملہ آور کا کوئی بھی ہاتھ سلامت نہیں ملا ہے جس وجہ سے فنگر پرنٹ نہیں لیئے جاسکے ہیں تاہم اس کے ڈی این اے ٹیسٹ کے لئے نمونے لے لیئے گئے ہیں جو اسلام آباد میں ایک لیبارٹری کو بھیجے جائیں گے۔

مذہبی جماعتوں کے جلسے جلوسوں میں امریکہ کے خلاف سخت لہجے میں تقریر کرنے والے علامہ حسن ترابی انیس سو اکتالیس میں پیدا ہوئے تھے اور ان کا آبائی گاؤں شگر (اسکردو) ہے۔

انہوں نے انیس سو پچاسی میں تحریک جعفریہ کے قیام کے بعد عملی سیاست میں حصہ لینا شروع کیا۔ تحریک جعفریہ پر پابندی کے بعد انہوں نے تحریک اسلامی تنظیم بنائی اور مذھبی جماعتوں کے اتحاد ایم ایم اے کے وجود میں آنے کے بعد سندھ میں صوبائی سطح پر اس کے رہنما رہے۔ کراچی میں نوے کے عشرے میں فرقہ وارانہ دہشتگردی کے واقعات کے بعد وہ ایک شیعہ رہنما کے طور پر ابھر کر سامنے آئے۔

علامہ حسن ترابی کے لواحقین میں دو بیوائیں، آٹھ بیٹے اور آٹھ بیٹیاں شامل ہیں۔