ہارون رشید بی بی سی اردو ڈاٹ کام، پشاور

	ہنگو خود کش حملے میں چالیس سے زائد افراد ہلاک ہوئے تھے

اس سال فروری میں یوم عاشور کے موقعہ پر ہنگو شہر میں خودکش حملے میں چالیس سے زائد افراد ہلاک ہوئے تھے جبکہ بعد میں ہنگاموں میں سینکڑوں دوکانیں نذر آتش کر دی گئی تھیں۔ ہنگو بازار پہلے ہی تین ماہ سے بند پڑا ہے۔

	ہنگو ہنگاموں میں سینکڑوں دوکانیں نذر آتش کر دی گئی تھیں

سنی سپریم کونسل کے رہنماؤں نے ٹل شہر میں احتجاجی مظاہرہ بھی منعقد کیا۔ مقررین نے حکومت سے ہنگو کے مسئلے کے حل پر توجہ دینے کا مطالبہ کیا۔

سنی کونسل کا مطالبہ ہے کہ واقعے عاشورہ اور بعد میں ہنگاموں میں ملوث ملزمان کو جلد از جلد گرفتار اور تاجر برادری کے نقصان کو پورا کیا جائے۔

صوبائی حکومت نے تاجر برادری کو بلاسود قرضے فراہم کرنے کی پیش کش کی ہے تاہم اس ہڑتال سے ظاہر ہوتا ہے کہ متاثرین کو یہ قبول نہیں۔