عزیزاللہ خان
بی بی سی اردو ڈاٹ کام، کوئٹہ |  |
| | | زخمیوں کو ابتدائی طبی امداد کے بعد گھر بھیج دیا گیا |
کوئٹہ میں خواتین کےکالج سے کچھ فاصلے پر ایک دھماکے میں لگ بھگ چودہ افراد زخمی ہوئے ہیں جن میں زیادہ تر طالبات ہیں۔ سپرنٹنڈنٹ پولیس کوئٹہ وزیر خان ناصر نے کہا ہے کہ یہ بم ایک جنرل سٹور کے اندر رکھا گیا تھا۔ دوکان کے مالک بلال نے بی بی سی کو بتایا کہ بدھ کی صبح سے کئی لوگ وہاں آئے لیکن یہ معلوم نہیں ہو سکا کہ گھی کے ڈبوں کے درمیان یہ بم کس نے رکھا تھا۔ یہ سٹور ایک گرلز کالج سے کچھ فاصلے پر واقع ہے اور جس وقت دھماکہ ہوا اس وقت قریبی سکولوں اور کالج کی چھٹی ہوگئی تھی۔ دوکان کے سامنے بسں کھڑی تھی جس کے شیشے ٹوٹنے سے زیادہ افراد زخمی ہوئے ہیں۔ بس کے مالک نے بی بی سی کو بتایا کہ حکومت اس طرح کے واقعات کی روک تھام کے لیے موثر کوششیں کرے۔ ب | | | دوکان کے سامنے بسں کھڑی تھی جس کے شیشے ٹوٹنے سے زیادہ افراد زخمی ہوئے ہیں |
ولان میڈیکل کمپلیکس کے ایمرجنسی وارڈ میں موجود ڈاکٹر شبیر مگسی نے کہاہے کہ ان کے پاس چودہ زخمی لائے گئے ہیں جن میں دس طالبات اور خواتین ہیں۔ انہوں نے کہا کہ ہسپتال لائے جانے والوں کو معمولی زخم آئے ہیں جنہیں ابتدائی طبی امداد کے بعد فارغ کر دیا گیا ہے۔بلوچستان میں بم دھماکوں بارودی سرنگوں کے پھٹنے اور راکٹ باری کے واقعات میں اضافہ ہوا ہے۔ان واقعات میں اضافہ دسمبر میں کوہلو اور ڈیرہ بگٹی میں مبینہ فوجی کاروائیوں کے بعد ہوا ہے۔ مبینہ فوجی کارروائی صدر جنرل پرویز مشرف کے کوہلو کے دورے کے دوران راکٹ باری کے واقعہ کے بعد شروع کی گئی اور ان تین ماہ میں بگٹی اور مری قبائلیوں کے مطابق دو سو سے زیادہ افراد ہلاک ہوئے ہیں جن میں زیادہ تر خواتین اور بچے ہیں لیکن سرکاری سطح پر ان اعداد و شمار کی تصدیق نہیں ہو ئی۔ | 
کوئٹہ: گیس پائپ لائن اڑا دی گئی
