اسلام آباد میں سخت سکیورٹی کے انتظامات کئیے گئے ہیں

کارٹونوں پر احتجاج کا ضمیمہ

انہوں نے بتایا کہ قاضی حسین احمد کو لاہور میں نظر بندکیا گیا ہے۔

اسلام آباد سے بی بی سی کے نامہ نگار ظفر عباس نے اطلاع دی ہے کہ رات گئے شہر کے تمام اہم مقامات اور شاہراوں پر نیم فوجی دستوں، فرنٹیر کانسٹیبلری اور پیرا ملٹی فورس کے جوانوں کو تعینات کر دیا گیا ہے۔

ہفتے کو رات گئے وزیر اطلاعات شیخ رشید احمد نے اخبار نویسوں کو بتایا کہ حکومت کسی صورت بھی دارالحکومت میں جلسے جلوس کی اجازت نہیں دے گی۔

انہوں نے کہا کہ اسلام آباد میں اتوار کو جلسے اور جلوسوں پر مکمل طور پر پابندی عائد کر دی گئی ہے۔

پنجاب کے صوبائی دارالحکومت لاہور سے موصول ہونے والی اطلاعات کے مطابق منصورہ میں جماعت اسلامی کے ہیڈ کواٹر کو پولیس نے گھیرے میں لیا ہوا ہے اور یہیں قاضی حسین احمد نظر بند ہیں۔

صدر جنرل پرویز مشرف کی حکومت نے ڈنمارک سے پاکستانی سفیر کو پہلے ہی واپس بلا لیا ہے اور اسلام آباد میں ڈنمارک کا سفارت خانہ بھی بند کر دیا گیا ہے۔

تاہم عام تاثر یہی ہے کہ متحدہ مجلس عمل میں شامل جماعت اسلامی کارٹونوں کی اشاعت پر ہونے والے ہنگاموں کو حکومت کی خلاف ایک تحریک میں بدلنا چاہتی ہے۔