بلیئر کو پہلی مرتبہ اس طرح کی شکست کا سامنا کرنا پڑا ہے

بلیئر حکومت کی طرف سے پیش کیے گئے اس بل کے تحت دہشت گردی کے شبہ میں پکڑے گئے افراد کو نوے دن تک بغیر کسی الزام کے حراست میں رکھا جا سکتا تھا۔

یہ انیس سو ستانوے میں اقتدار میں آنے کے بعد دارالعوام میں ٹونی بلیئر کی پہلی شکست ہے۔

بل کی مخالفت میں تیس سو بائیس ووٹ پڑے اور اس کے حق میں دو سو اکیانویں ووٹ ڈالے گئے۔

اس قانون کا مسودہ سات جولائی کو لندن میں ہونے والی بم دھماکوں کے بعد بنایا گیا تھا۔

حزبِ مخالف کے رہنماؤں نے اس بل کو رد کرتے ہوئے کہا ہے کہ اس سے مسلمان اور ناراض ہو جائیں گے اور مسلم برادری سے معلومات لینا اور مشکل ہو جائے گا۔

بل پر بحث شروع ہونے سے کچھ دیر قبل ٹونی بلیئر نے پارلیمان کو بتایا کہ سات جولائی کے بم حملوں کے بعد سے اب تک پولیس برطانیہ میں مزید دو حملوں کے منصوبے ناکام بنا چکی ہے۔

بلیئر حکومت کے لیے یہ بل اتنا ضروری تھا کہ وزیرِ خزانہ گورڈن براؤن اور اور وزیرِ خارجہ جیک سٹرا کو ووٹ میں حصہ لینے کے لیے بیرون ممالک دوروں سے جلدی واپس آنا پڑا۔