ریاض سہیل بی بی سی اردو ڈاٹ کام، کراچی

	پاکستان اور بھارت دونوں کراچی اور بمبئی میں فیری سروس کے لیے دلچسی لے رہے ہیں

مواصلات اور جہاز رانی کے وفاقی وزیر بابر غوری نے جمعرات کو کراچی پورٹ ٹرسٹ پر ایک تقریب کے بعد مختصر بات چیت کرتے ہوئے بتایا کہ پاکستان اور بھارت دونوں کراچی اور بمبئی میں فیری سروس کے لیے دلچسی لے رہے ہیں۔

’جیسے ہی کراچی میں بھارتی سفارتخانہ کام شروع کریگا دونوں ملکوں میں فیری سروس بھی شروع ہوجائیگی‘۔

انہوں نے کہا کہ اس فیری سروس سے پاکستانی معشیت میں استحکام آئیگا اور سیاحت کو فروغ ملے گا۔ اس سلسلے میں کافی معاملات طے کیے جاچکے ہیں۔

گوادر پورٹ کے بارے میں انہوں نے کہا کہ آئندہ سال جون مہینے تک گوادر پر جہاز لنگر انداز ہونا شروع ہوجائینگے جس کے لئے انفراسٹکچر بنایا جارہا ہے۔

وفاقی وزیر نے کہا کہ کے پی ٹی ایک منافع بخش ادارہ ہے۔ اس کی آڈٹ رپورٹ آنے کے بعد ملازمین کی تنخواہوں میں اضافے کیا جائیگا۔

انہوں نے کہا کہ قومی خزانہ محفوظ ہاتھوں میں ہے۔ موجودہ حکومت میں کسی نے کوئی کرپشن نہیں کی نہ ہی سوئز اکاونٹ کھولا ہے۔