ریاض سہیل بی بی سی اردو ڈاٹ کام ، کراچی

	متحدہ قوی مومنٹ کے امیدوار نسرین جلیل اور مصطفٰی کمال

متحدہ کے حمایت یافتہ حق پرست پینل کے کراچی سٹی ناظم کے امیدوار مصطفیٰ کمال اور نائب ناظم کی امیدوار نسرین جلیل نے جمعرات کی شام ایک پریس کانفرنس کرتے ہوئے کہا کہ سٹی کونسل کے لیے کل ووٹروں کی تعداد دو ہزار تین سو چودہ ہے۔ جس میں سے تیرہ سو باسٹھ ووٹرز خالصتاً حق پرست پینل سے تعلق رکھتے ہیں یہ ووٹ مطلوبہ سادہ اکثریت سے کہیں زیادہ ہیں۔

انہوں نے کہا کہ چھوٹے گروپوں، برادریوں اور آزاد حیثیت میں کامیاب ہونے والے ایک سو پچانوی کونسلرز بھی حق پرست پینل میں شمولیت کا اعلان کرچکے ہیں۔ اسی طرح سے خوشحال پاکستان کے کونسلرز بھی حق پرست پینل کو ووٹ دینگے جبکہ ایک سو پندرہ دیگر آزاد کامیاب کونسلروں نے بھی حق پرست پینل کو وٹ دینے کی یقین دہانی کروائی ہے۔

اس طرح حق پرست ناظمین کو سترہ سو سے زائد ووٹ حاصل ہونگے۔
حق پرست امیدواروں کا کہنا تھا کہ الخدمت گروپ نے تقریبا دو سو ننانویں، پی پی پی نے دو سو دو، جے یو آئی اکتیس، اے این پی چالیس، مسلم لیگ نواز اٹھائیس اور جے یوپی نے اپنے صرف چھ امیدواروں کی کامیابی کا دعویٰ کیا ہے۔ جو کل تعداد صرف چھ سو چھ بنتی ہے۔

مصطفیٰ کمال اور نسرین جلیل نے بتایا کہ بعض کونسلرز، ناظمین اور نائب ناظمین نے حق پرست پینل کو اپنے مکمل تعاون اور حمایت کی یقین دہانی کروائی ہے۔ جس کے بعد حق پرست پینل کو واضح اکثریت حاصل ہوگئی ہے۔

دوسری جانب الخدمت گروپ کے امیدوار سابق سٹی ناظم نعمت اللہ خان نے بی بی سی سے بات چیت کرتے ہوئے کہا کہ جیتننے کے لیے جتنے ووٹ درکار ہیں ہمیں حاصل ہیں۔ موجودہ وقت کسی بھی گروپ کو واضح اکثریت حاصل نہیں ہے۔

نعمت اللہ خان نے واضح کیا کہ وہ اپوزیشن کے مشترکہ امیدوار ہیں پی پی پی بھی انہیں کی حمایت کریگی۔ بارگینگ کے لیے انہوں نے اپنا امیدور کھڑا کیا ہے۔

	جماعت اسلامی کے نعمت اللہ جو سابق ناظم بھی ہیں اور ان کا کہنا ہے کہ وہ متحدہ اپوزیشن کے مشترکہ امیدوار بھی ہیں

فوزیہ کے مطابق کسی بھی گروپ کے پاس دو تہائی اکثریت نہیں ہے۔ان سے جب پوچھا گیا کہ کیا پی پی پی سٹی ناظم کے لیے مقابلہ کریگی یا اس کے امیدوار دستبردار ہونگی۔ تو انہوں نے کہا کہ اپوزیشن کا مشترکہ امیدوار ہوگا۔ پی پی پی امیدوار اس کے حق میں دستبردار ہوسکتا ہے۔