عدنان عادل بی بی سی اردو ڈاٹ کام ، لاہور

پاکستان سے رہائی کے بعد ہندوستانی ماہی گیر اپنے ملک جا رہے ہیں۔

بھارتی پنجاب کےوزیر اعلی امریندر سنگھ کے دورہ بھارت کے موقع پر پاکستان نے ان قیدیوں کو رہا کیا ہے۔

امریندر سنگھ نے اس موقع پر کہا کہ قیدیوں کی غیر مشروط رہائی ان کی پاکستانی صدر پرویز مشرف کے ساتھ ملاقات کی وجہ سے ہوئی ہے۔

امریندر سنگھ نے کہا کہ اس اقدام سے پاکستان اور بھارت کے تعلقات کو بہتر بنانے میں مدد ملے گی۔

پاکستان پنجاب کے وزیر اعلی پرویز الہی نے کہا اس طرح کے اقدام سے دونوں ملکوں کے درمیان اعتماد بڑھے گا۔

رہا ہونے والوں میں اکثریت ان مردوں کی ہے جنہوں نے یورپ جانے کے لیے ایجنٹوں کو پیسے دیے لیکن ترکی کے راستے یورپ جانے کی کوشش میں وہاں سے ڈی پورٹ ہو کر پاکستان پہنچ گئے جہاں انہیں پاکستان میں بغیر ویزہ ہونے گرفتار کر لیا گیا تھا۔

اس سے پہلے پاکستانی صدر جنرل پرویز مشرف نے خیر سگالی کے جذبے کے تحت سات سو بھارتی قیدیوں کو رہا کرنے کا اعلان کیا تھا۔ یہ اعلان پاکستان اور بھارت کے درمیان کرکٹ سیریز کے شروع ہونے کے موقع پر گیا گیا ہے۔