عدنان عادل
بی بی سی اردو ڈاٹ کام ، لاہور |  |
|  پاکستان سے رہائی کے بعد ہندوستانی ماہی گیر اپنے ملک جا رہے ہیں۔ |
پاکستان نے کہا ہے کہ وہ کہ وہ خیر سگالی کے جذبے کے تحت سات سو بھارتی قیدیوں کو رہا کرئے گا۔ پاکستان حکومت کی طرف سے یہ اعلان پاکستان اور بھارت کے درمیان کرکٹ سیریز کے شروع ہونے کے موقع پر گیا گیا ہے۔ پاکستانی وزارت خارجہ کے ترجمان نے کہا ہے کہ ہندوستانی قیدیوں کو رہا کرنے کا اعلان صدر جنرل مشرف کی طرف سے بھارت کے لیے خیر سگالی کے جذبے کا اظہار ہے۔ صدر مشرف نے پاکستان اور بھارت کے درمیان ہونے والے میچوں کے دوران بھارت جانے کی خواہش ظاہر کی ہے اور کہا ہے کہ اگر ان کو بھارت نے دعوت دے تو وہ میچ دیکھنے جائیں گے۔ رہا کیے جانے والے قیدیوں میں سے اکثریت ہندوستانی مچھیروں کی ہو گی پاکستان اور بھارت اکثر ایک دوسرے کے ماہی گیروں کو سمندری حدور کی خلاف ورزی کرنے پر گرفتار کر لیتے ہیں اور ان کوبغیر مقدمہ چلائے جیل میں رکھا جاتا ہے۔ پاکستانی اور بھارتی ماہی گیروں کی تنظیموں کا کہنا ہے کہ دونوں ملکوں کے غریب ماہی گیر اس معاملے میں بالکل بے قصور ہیں کیونکہ دونوں ملکوں کی سمندری حدود واضح نہیں ہیں اور سرحد پر کوئی سگنل نصب نہیں ہیں جس کے باعث ماہی گیر غلطی سے سرحد عبور کر جاتے ہیں۔
| 
یہ صفحہ دوست کو ای میل کیجیئے
پرِنٹ کریں
