علی سلمان لاہور

مشرف کی وردی کا مسئلہ حکومت کے لیے ایک دردِ سر ہے

وہ سنیچر کے روز لاہور میں مسجد شہداء کے سامنے گیارہ ستمبر کے ایک احتجاجی مظاہرے کے موقعے پر اخبار نویسوں سے بات چیت کر رہے تھے۔انہوں نے کہا کہ قانون آئین اور مجلس عمل سے ہونے والے ایک معاہدے کے تحت صدر پرویز مشرف اکتیس دسمبر تک وردی میں رہ سکتے ہیں اور اس سے قبل ان سے وردی اتارے جانے کا مطالبہ کرنا یا اس مطالبے کے حق میں کوئی احتجاجی مہم چلانا وعدہ خلافی بھی ہوگی اور آئین کی خلاف ورزی بھی۔

انہوں نے کہا کہ صدرپرویز مشرف نے ابھی وردی نہ اتارے جانے کا اعلان کیا ہے اور نہ ہی اس معاملے میں وہ بد عہدی کے مرتکب ہوئے ہیں تاہم بقول لیاقت بلوچ، صدر پرویز مشرف نے وردی اتارے جانے کے بارے میں صرف بد نیتی کا اظہار کیا ہے۔

احتجاجی مظاہرے سے خطاب کرتے ہوئے انہوں نے کہاکہ اے آر ڈی کے رہنما متحدہ مجلس عمل کی مخالفت میں ایسا کوئی موقف اختیار نہ کریں جس سے صدر پرویز مشرف کی آمریت کو تقویت ملے۔