اعجازمہر بی بی سی اردو ڈاٹ کام، اسلام آباد

’ہمارے ہاتھ صاف ہیں اس لئے کسی سے گھبرانے کی ضرورت نہیں‘

یہ بیان انہوں نے قومی اسمبلی میں منگل کے روز پیپلز پارٹی کے ارکان، شیری رحمان، سید نوید قمر، سید خورشید شاہ اور دیگر کی جانب سے پیش کردہ توجہ دلاؤ نوٹس کا جواب دیتے ہوئے دیا۔

امریکی وزیر خارجہ کولن پاؤل کی آمد کے حوالے سے انہوں نے کہا کہ ان سے بات ہوگی وہ بڑی خوشی سے آئیں۔ ’ہمارے ہاتھ صاف ہیں اس لئے کسی سے گھبرانے یا خوف زدہ ہونے کی ضرورت نہیں۔ آخر پاکستان ایک خود مختار ملک ہے‘۔

زبردستی نہیں ہوئی  ڈاکٹر قدیر نے تین بار ایٹمی پھیلاؤ میں ملوث ہونے کا اعتراف کیا اور ان سے زبردستی بیان نہیں دلوایا گیا شیخ رشید

ایک سوال کے جواب میں شیخ رشید نے قومی اسمبلی کو بتایا کہ ڈاکٹر قدیر نے تین بار ایٹمی پھیلاؤ میں ملوث ہونے کا اعتراف کیا اور ان سے زبردستی بیان نہیں دلوایا گیا۔ وزیر اطلاعات نے ایک اورسوال پر کہا کہ ایٹمی پھیلاؤ کے وقت صدر جنرل پرویز مشرف بریگیڈیئر تھے۔