یہ الفاظ ہیں since اور for۔ ان دونوں کا تعلق وقت کے تعین سے ہے۔ لیکن since اس وقت استعمال ہوتا ہے جب ہم کسی کام کے نقطۂ آغاز کی طرف اشارہ کرتے ہیں اور for وہاں استعمال کیا جاتا ہے جہاں اس کام کا مکمل دورانیہ بتانا مقصود ہو یعنی وہ کام کتنا عرصہ جاری رہا۔

اس کی وضاحت دو مثالوں سے ہو جائے گی۔

I have been a student of English SINCE 1998 -1
She has lived in this house FOR seven years -2

آپ کی مشق کے لیے کچھ جملے نیچے دیئے گئے ہیں جن میں آپ کو since یا for کی مدد سے خالی جگہ پُر کرنی ہے۔

Khalid has worked here ---------- 1992 -1
I have known him ---------- three years -2
Saima has been working here ---------- 2 o' clock -3
John has been learning Urdu ---------- 1997 -4
He has been sleeping ---------- ages -5
She has been walking ---------- hours -6
I have been on holiday ---------- two weeks -7
She has not worked here ---------- years -8

آپ نے غور کیا ہو گا کہ جہاں عمومی انداز میں وقت کے دورانیے کا ذکر ہو ( دو گھنٹے، تین سال، چار ہفتے وغیرہ) تو وہاں for استعمال ہوتا ہے لیکن اگر کسی مخصوص وقت کا ذکر ہو (1997، تین بجے، گزشتہ اتوار وغیرہ) تو وہاں since استعمال کرتے ہیں۔

اسی سلسلے کا ایک اور لفظ بھی ذہن میں رکھنا چاہیے جو کہ کسی عمل کے مجموعی دورانیے کے لیے استعمال کیا جاتا ہے اور وہ لفظ ہے: during

مثلاً اس جملے پر غور کیجیئے
Khalid played cricket during the summer

اس سے مراد ہے کہ خالد موسمِ گرما کے دوران مختلف مواقع پر کرکٹ کھیلتا رہا تھا۔ یہاں یہ بات ذہن میں رکھیئے کہ ضروری نہیں کہ during سے یہ مراد لی جائے کہ کوئی کام اس عرصے میں مسلسل ہوتا رہا ہے۔ یہ بھی ہو سکتا ہے کہ بیان شدہ عرصے میں وہ کام وقفے وقفے سے ہوتا رہا ہو۔

اب مزید دو مثالیں دیکھیئے

She fell asleep during the exam -1
She slept for two hours -2

پہلا جملہ صرف یہ بتاتا ہے کہ دورانِ امتحان لڑکی سو گئی تھی لیکن اس بات کی نشاندہی نہیں کرتا کہ وہ کتنی دیر تک سوتی رہی۔ جبکہ دوسرا جملہ ہمیں عین اس دورانیے سے آگاہ کرتا ہے جس میں وہ سوئی رہی۔

اگر ہم دورانِ امتحان ممتحن کو بتانا چاہیں کہ یہ لڑکی تین بجے سے سوئی ہوئی ہے تو ہم کہیں گے:
She has been sleeping since 3 0' clock

اگر for اور during کے بارے میں بات واضح ہو گئی ہو تو مشق کے لیے مندرجہ ذیل جملوں کو انہی الفاظ سے مکمل کیجیئے۔

I saw them ----------- my stay in Lahore -1
He spoke ---------- three hours -2
I waited at the cinema ---------- an hour -3
It rained ---------- the night -4
I stayed in Karachi ---------- a year -5
She went to London twice ---------- her holiday -6
This shop will be closed ---------- two weeks -7
He asked lots of questions ---------- the lecture -8