 | | | نریندر مودی نے ممبئی کے متاثرہ علاقوں کا دورہ کیا اور حملوں میں ہلاک ہونے والوں خراخ عقیدت پیش کی |
ممبئی میں بدھ کی رات کو سات مختلف مقامات پر فائرنگ اور دھماکوں کے بعد گجرات کے وزیر اعلی نریندر مودی نے ممبئی کا دورہ کیا اور صحافیوں سے بات کرتے ہوئے کہا ایسی جانکاری سامنے آرہی ہے کہ پاکستان سے سمندر کے راستے آئے شدت پسندوں نے ان حملوں کو انجام دیا ہے اور ہندوستانی حکومت کو پاکستان کے سامنے سفارتی سطح پر اس معاملے کو اٹھانا چاہیے۔ ان کا کہنا تھا کہ پاکستان نے اپنی سر زمین اور سمندری راستے کو شدت پسندی کی کارروائیوں کے لیے استمعال نہ کرنے سے متعلق اقوام متحدہ کے رزولوشن کی خلاف ورزی کی ہے۔ | اگلا قدم  ہندوستانی حکومت کو پاکستان کے سامنے سفارتی سطح پر اس معاملے کو اٹھانا چاہیے  نریندر مودی |
مرکز کی حکومت کو اپنی تنقید کا نشانہ بناتے ہوئے نریندر مودی نے کہا گزشتہ روز وزیر اعظم منموہن سنگھ نے جو قوم سے خطاب کیا تھا اس سے بہت زیادہ امیدیں وابسطہ تھیں لیکن انہوں نے بے حد مایوس کیا۔ انہوں نے ممبئی حملوں میں مارے گئے افراد کے لواحقین کی مدد کے لیے مہاراشٹر حکومت کو ایک کروڑ روپئے دینے کا اعلان کیا ہے۔ نریندر مودی نے جمعرات کے روز ممبئی کا دورہ کیا تھا۔ تاج اور اوبیرائے ہوٹل کا دورہ کرنے کے بعد نریندر مودی نے کہا کہ انہیں محسوس ہوا کہ موقع پر جاکر پولیس اور فائر برگیڈ کے لوگوں کے کام کی تعریف کروں۔ | 
دلی دھماکے: 55 ہلاک، ہائی الرٹ
