اس سے قبل سورت ميں اتوار اور پیر کو بھی دو بموں کو ناکارہ بنایا گيا تھا

سورت کے پولیس کمشنر آ ر ایم برار کے مطابق کل چودہ بم بر آمد کیےگیے تھے اور بم اسکواڈ دستے کی مدد سے سبھی بموں کو ناکارہ بنادیا گیا ہے۔

سبھی بم بھیڑ بھاڑ والے علاقوں میں رکھے گئے تھے۔ دھماکہ خیز مادہ سے بھرا ایک پیکٹ پولیس سٹیشن کی کھڑکی پر بھی لٹکا ہوا پایا گيا لیکن کسی بھی بم کے ساتھ ٹائمر نہيں لگا ہوا تھا۔

اس سے قبل سورت ميں اتوار اور پیر کو بھی دو بموں کو ناکارہ بنایا گيا تھا۔ جبکہ دو کاروں میں دھماکہ خیز مادہ ملا تھا۔ بم ملنے کے سبب دھماکوں کے چار دن بعد بھی صوبے میں خوف کا ماحول ہے۔

اس دوران پولیس نے سورت میں کار میں بم رکھنے والے مشتبہ شخص کا خاکہ جاری کیا ہے۔ یہ خاکہ ایک چوکیدار کے بیانات پر مبنی ہے۔ پولیس افسران کا کہنا ہے کہ ان کے خیال میں یہ بم گجرات کے شہر وڈودرا میں بنائے گیے تھے۔

اب تک دھماکوں کے سلسلے میں کوئی اہم سراغ نہیں ملا ہے۔ پیر کو حزب اختلاف کی جماعت بی جے پی نے براہ راست طور پر بنگلور اور احمدآباد دھماکوں کے لیے مرکزی حکومت کو ذمہ دار قرار دیا تھا

پولیس کا کہنا ہے کہ جتنی مقدار میں دھما کہ خیز مادے کاروں میں ملے ہیں اس سے کئی بم بنائے جاسکتے تھے۔

پولیس کے مطابق کار چوری کی تھی اور نمبر پلیٹ وڈودرا کی ہے۔ کار کے اندر سے وڈودرا کے جون مہینے کا اخبار بھی ملا ہے۔ جس سے خدشہ ظاہر کیا جارہا ہے کہ دھماکوں کی منصوبہ بندی وڈودرا میں کی جارہی تھی۔

سنیچر کو احمدآباد میں ہونے والے سلسلہ وار بم دھماکوں ميں 49 افراد ہلاک اور کم از کم ایک سو پچاس افراد زخمی ہوئے تھے۔

واضح رہے کہ پیر کو وزیر اعظم منموہن سنگھ اور کانگریس کی صدر سونیا گاندھی نے احمدآباد کا دورہ کیا تھا۔

اب تک دھماکوں کے سلسلے میں کوئی اہم سراغ نہیں ملا ہے۔ پیر کو حزب اختلاف کی جماعت بی جے پی نے براہ راست طور پر بنگلور اور آحمدآباد دھماکوں کے لیے حکومت کو ذمہ دار قرار دیا تھا۔