ریاض مسرور بی بی سی اُردو ڈاٹ کام، سرینگر

	شیخ عبدالعزیز کا شمار حریت کے اہم رہنماؤں میں شامل ہیں

اس دوران غیر سرکاری اطلاعات کے مطابق مارچ کے دوران پولیس اور فوج کی فائرنگ میں کم از کم چار افراد ہلاک ہوگئے ہیں۔ سرینگراور دیگر اضلاع کے ہسپتالوں میں کم از کم ڈیڑھ سو زخمیوں کو داخل کرایا گیا ہے۔ سرینگر کے مرکزی ہسپتال کے ڈاکڑ سلیم اقبال نے بتایا کہ زخمیوں میں اکثر کو گولیاں لگی ہیں۔

لائن آف کنٹرول کی طرف مارچ

لائن آف کنٹرول کی طرف مارچ کی ویڈیو

سرینگر کے ڈپٹی کمیشنر اسفندیار خان کے مطابق امن و قانون کو برقرار رکھنے کے لیے سرینگر اور پلوامہ میں کرفیو نافذ کردیا گیا اور پولیس کی گاڑیاں مائیکروفون کے ذریعہ لوگوں کو گھروں میں ہی رہنے کی ہدایات کر رہی ہیں۔

شیخ عزیز کی ہلاکت ’شیخ صاحب نے فوجیوں کو ہاتھ ہلا کر یہ بتانے کی کوشش کی کہ جلوس پرامن ہے اور انہیں جانے دیا جائے۔ اس کے جواب میں فوج نے براہ راست فائرنگ کی جس کے نتیجہ میں ایک سولہ سالہ لڑکا موقع پر ہی ہلاک ہوگیا، جبکہ شیخ صاحب شدید زخمی ہوگئے، اور بعد میں ہسپتال میں ان کی موت ہوگئی‘۔

’شیخ صاحب نے فوجیوں کو ہاتھ ہلا کر یہ بتانے کی کوشش کی کہ جلوس پرامن ہے اور انہیں جانے دیا جائے۔ اس کے جواب میں فوج نے براہ راست فائرنگ کی جس کے نتیجہ میں ایک سولہ سالہ لڑکا موقع پر ہی ہلاک ہوگیا، جبکہ شیخ صاحب شدید زخمی ہوگئے، اور بعد میں ہسپتال میں ان کی موت ہوگئی‘۔

شیخ عزیز پینتیس سال قبل قائم شدہ علیٰحدگی پسند گروپ پیپلز لیگ کے ساتھ وابستہ رہے ہیں اور اُنیس سو نوے میں مسلح شورش شروع ہوتے ہی لیگ کے عسکری بازو الجہاد کے ’چیف کمانڈر‘ بن گئے۔

عزیز ضلع پلوامہ کے پانپور قصبہ سے تعلق رکھتے ہیں۔