سپائس جیٹ سستی داموں والی گھریلو ایئرلائن ہے

سپائس جیٹ ہندوستان میں اندرونی پروازیں کرنے والی دوسری بڑی ائر لائن ہے اور بازار کے کل میں اس کا حصہ تقریباً دس فیصد ہے۔

سپائس جیٹ کے ڈائریکٹر اجے سنگھ کا کہنا ہے کہ ڈبلیو ایل روز کمپنی کو شہری ہوا بازی کے شعبہ میں سرمایہ کاری کا اچھا تجربہ ہے۔’اس سرمایہ کاری سے اس بات میں اب کوئی شک نہیں ہے کہ ہم انڈیا میں سب سے بڑی ائر لائن بننے کے وعدے کو پورا کر سکیں گے۔‘

امکان ہے کہ روز کمپنی کے چئرمین ولبر روز جونئر اب سپائس جیٹ کے بورڈ آف ڈائریکٹر میں شامل ہوں گے۔ ہندوستان میں اس کمپنی کی یہ دوسری سرمایہ کاری ہے۔ اس سے پہلے کمپنی ہندوستان کی مشہور ٹیکسٹائل کمپنی او سی ایم میں پونے چار کروڑ کی سرمایہ کاری کر چکی ہے۔

ہندوستان میں اندرونی ائر لائنز بہت تیزی سے ترقی کر رہی ہیں لیکن پٹرول کی قیمتیں بڑھنے سے وہ زبردست دباؤ میں بھی ہیں۔ مہنگائی کے سبب بعض لم کرایوں والی ایئرلائنز نے خسارے سے بچنے کے لیے حال ہی میں اپنی بعض پروازیں بند کردی ہیں۔