برف پگھلنے کے ساتھ ہی دراندازي کے واقعات میں اضافہ ہوجاتا ہے

جموں کے سینئر پولیس افسر نے بی بی سی کو بتایا کہ مسلح شدت پسندوں کی ایک ٹیم نے جمعہ کو پونچھ ضلع میں دراندازی کی کوشش کی تھی جس پر سنیچر کی صبح سکیورٹی اہلکاروں نے ان شدت پسندوں کوگھیر لیا اور فریقین میں فائرنگ کا تبادلہ شروع ہو گیا۔

پولیس کا کہنا ہےکہ اس تصادم میں چار شدت پسند جبکہ تین سکیورٹی اہلکار ہلاکہوئے ہیں۔ ہلاک ہونے والے سکیورٹی اہلکاروں میں دو پولیس کے جوان اور ایک فوجی شامل ہے۔

ہلاک ہونے والے شدت پسندوں سے بڑی تعداد میں گولہ بارود اور اسلحہ برآمد کیا گیا ہے۔

سکیورٹی فورسز نے گزشتہ کچھ ہفتوں میں پونچھ ضلع میں لائن آف کنٹرول پر سکیورٹی سخت کردی ہے کیونکہ ان علاقوں میں اس سردی کےموسم میں برف پگھلنے کے ساتھ ہی دراندازی کا خدشہ بڑ ھ جاتاہے۔

جموں و کشمیرمیں اس برس اسمبلی انتخاب ہونے والے ہيں اور سکیورٹی فورسز کا خیال ہے کہ انتخابات کے پیشِ نظر شدت پسندوں کی دراندازي میں اضافہ ہو سکتا ہے۔