 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
گوگل نے ہندوستان کی بات مان لی | ||||||||||||||||||||||||||||||||||||||||
دنیا کی سب سے بڑی انٹرنیٹ سرچ کمپنی گوگل نے ہندوستان سے متعلق کچھ اہم تصاویر کو دھندلا کرنے کا فیصلہ کیا ہے۔ حکومت ہند اور گوگل کے درمیان بات چیت کے بعد یہ فیصلہ کیا گیا ہے۔ ہندوستان کی حکومت نے سکیورٹی سے متعلق خدشات کا اظہار کرتے ہوئے کہا تھا کہ حساس عمارتوں اور علاقوں کی تصاویر کو دھندلا کر دیا جائے۔ حکومت ایسے مقامات کی ایک فہرست تیار کر رہی ہے۔جنہیں حساس کہا جاتا ہے۔ان میں فوجی اڈے اور کچھ سرکاری عمارتیں شامل ہیں۔ کئی دوسرے ممالک کی حکومتوں کی درخواست پر پہلے بھی گوگل ارتھ سے کچھ مقامات کی تصاویر دھندلی کی جا چکی ہیں یا پھر اب وہ مقامات دیکھے نہیں جا سکتے۔ان میں جوہری تنصیبات کے ساتھ ساتھ سرکاری اور سکیورٹی اداروں کی تصاویر شامل ہیں۔ ہندوستانی اخبار ٹائمز آف انڈیا کی رپورٹ کے مطابق ہندوستان کی حکومت کا کہنا تھا کہ عمارتوں کے تفصیلی پلان اور نقشے شدت پسندوں کے لئے مددگار ثابت ہو سکتے ہیں ان تصاویر اور نقشوں کی مدد سے شدت پسند آسانی سے حملہ کر سکتے ہیں۔ 2005 میں اس سروس کے شروع ہونے کے بعد ہی ہندوستان نے پہلی مرتبہ اپنے خدشات ظاہر کیے تھے۔ گوگل ارتھ ایک ایسا پروگرام ہے جس کو ڈاؤن لوڈ کیا جا سکتا ہے۔اور لوگ سیٹلائٹ تصاویر کے ڈیٹا بیس میں جاکر انہیں دیکھ سکتے ہیں۔ |  اسی بارے میں  گوگل، پرائیویسی خطرے میں11 February, 2006 | نیٹ سائنس تصویر لینا منع ہے01 June, 2006 | Poll بلاگرز حکومت سے ناخوش19 July, 2006 | انڈیا گوگل چین میں سینسر پر راضی25 January, 2006 | آس پاس 06: انٹرنیٹ صارفین اور سنسر شپ کا سال31 December, 2006 | نیٹ سائنس گوگل پر 200 سال پرانی خبریں06 September, 2006 | نیٹ سائنس گوگل نے یوٹیوب خرید لیا10 October, 2006 | نیٹ سائنس ویب کا پندرہ سالہ سفر: ایک جائزہ08 August, 2006 | نیٹ سائنس | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
